BULAWAYO —
Ikhomithi ebiphethe ukuqhutshwa kwemidlalo yabatsha eye National Youth Games, isinconywe ngokwenza umsebenzi okhwabithekayo ngemva kokunqoba kwedolobho leli okwakuqala ilokhu limidlalo yasungulwayo ngomnyaka ka 2003.
Imidlalo le egqitshwe ngempelaviki, ngeyakuqala ukuthi kunqobe esinye isigaba ngaphandle kweHarare esinqobe iminyaka elitshumi edluleyo.
Nyakenye iBulawayo ithole isicoco sesibili ngemva kokudlulwa yiHarare ngemendulu yegolide eyodwa.
UMnumzana Norman Ntuli, oyisakhamuzi, uthi ikhomithi le yenze umsebenzi omuhle, hatshi kuphela ekunikeni abasakhulayo abalezipho ithuba, kodwa ngoba indawo ezinengi kulelidolobho zithole ukulungiswa kwalungiswa lemigwaqo eyalapho obekudlalelwa khona.
Obephatheke kumidlalo le, uNkosazana Precious Mudenge, uthi iBulawayo incedwe lusekelo olukhulu oluvele ebantwini bakulelidolobho okwenze abadlali baba lentshukutshu ledlabuzane.
Uthi ithemba lakhe yikuthi akuphelanga ngempelaviki kodwa abanqobileyo bazaqhubeka bethuthukisa izipho zabo zibaphilise kusasa.
IBulawayo ithole imendulo zegolide ezilitshumi lesithupha, yalandelwa yimasvingo eletshumi, iHarare yaba ngeyesine ile sitshiyagalombili kwathi iMatabeleland North yacina ilemendulo eyodwa. IBulawayo ikhangelelwe ukuphatha imidlalo yezansi kweAfrica ngomnyaka ozayo ngoMpalakazi.
Ikhomithi ebiphethe ukuqhutshwa kwemidlalo yabatsha eye National Youth Games, isinconywe ngokwenza umsebenzi okhwabithekayo ngemva kokunqoba kwedolobho leli okwakuqala ilokhu limidlalo yasungulwayo ngomnyaka ka 2003.
Imidlalo le egqitshwe ngempelaviki, ngeyakuqala ukuthi kunqobe esinye isigaba ngaphandle kweHarare esinqobe iminyaka elitshumi edluleyo.
Nyakenye iBulawayo ithole isicoco sesibili ngemva kokudlulwa yiHarare ngemendulu yegolide eyodwa.
UMnumzana Norman Ntuli, oyisakhamuzi, uthi ikhomithi le yenze umsebenzi omuhle, hatshi kuphela ekunikeni abasakhulayo abalezipho ithuba, kodwa ngoba indawo ezinengi kulelidolobho zithole ukulungiswa kwalungiswa lemigwaqo eyalapho obekudlalelwa khona.
Obephatheke kumidlalo le, uNkosazana Precious Mudenge, uthi iBulawayo incedwe lusekelo olukhulu oluvele ebantwini bakulelidolobho okwenze abadlali baba lentshukutshu ledlabuzane.
Uthi ithemba lakhe yikuthi akuphelanga ngempelaviki kodwa abanqobileyo bazaqhubeka bethuthukisa izipho zabo zibaphilise kusasa.
IBulawayo ithole imendulo zegolide ezilitshumi lesithupha, yalandelwa yimasvingo eletshumi, iHarare yaba ngeyesine ile sitshiyagalombili kwathi iMatabeleland North yacina ilemendulo eyodwa. IBulawayo ikhangelelwe ukuphatha imidlalo yezansi kweAfrica ngomnyaka ozayo ngoMpalakazi.