Indawo yokubukisa imbali yelizwe lemisebenzi yeArt eye National Arts Gallery ikhuthaza ukufundiswa kukazulu ngemisebenzi ye art lokuqakatheka kwayo ngesikhathi ulwazi oluphathelane lalu msebenzi lukhanya lulokhe luphansi kwabensundu eZimbabwe.
I-National Arts Gallery eye Zimbabwe isebenzisa indlela ezigoqela imbukiso yama exhibition lezifundo ezigoqela imbuthano ye Conversations enzelwa eHarare lako Bulawayo kanye phakathi kwenyanga ezimbili kulandela ama exhibition.
U-Amanda umaMoyo oquba eze art eyokudhinda i-Print Art uthi ubona limbukiso ilusizo olukhulu kuma Artist asacathulayo.
Utsho lokhu engena umhlangano we Harare Conversation eHarare ngoLwesihlanu ohlanganise abafundela eze Art abaphakathi kwazo kunye lama Artist alodumo abalisa uJulius Mushambadope lo Tawanda Takura abatshengisa imbukiso ehambelana le nkondlo zika Augustino Neto kulandela ilanga elinanzwa ngalo umuyi wase Angola zimhla ka 17 kuyonale inyanga.
Umsekeli kamqondisi we gallery ye Zimbabwe umnumzana Raphael Chikukwa uthi lindawo ithatha amathuba anje ukukhuthaza abensundu ukuzwisisa eze art lokuqakatheka kwazo ukuze labo bephatheke ngobunengi babo kubaphathise:
Uthi imihlangano enje ijwayele ukugcwala sonke isikhathi ethi liba lithuba lokuba abantu befundisane njalo la ma artist avame ukuzisebenzela ewodwa kuma studio awo abelane amacebo emsebenzini yawo.
UMushambadope uthi ulungise I art yakhe elandela inkondlo zika Neto. Ufundisa njalo abasakhulayo ukuba bangazeyisi bazi ukuba balakho ukuthuthuka bengazinikela kulokho abakwenzayo.
UChikukwa uthi abe Art kumele bazi ukuba I art yindlela yokunikeza imbiko etshiyeneyo njalo abantu bengagijimeli ezenzunzo kuqala ngoba kuyabe kuzalandela imisebenzi yakho.
UMushambadope loTakura yibo abanqobe kumncintiswano owe Zimbabwe Annual Exhibition yanyakenye bathola ithuba lokubukisa imisebenzi yabo eNational Arts Gallery eyiyo ekhona okwamanje.
