HARARE —
Uzulu wethesa imithethwandaba, izinduna, amapholisa kanye labezokholo, umlandu wokungathembeki phezu kokuphathwa kwendaba zokudlwengulwa kwabesifazane labantwana.
Lokhu kuphume emkhosini wokuphawula okusemthethweni uhlelo lokulwisana lokuvimba ukudlwengulwa kwabesifazana labantwana olwe Zimbabwe National Plan to End Rape and Sexual Abuse.
Abantu bebecula begida emkhosini wokuphawula okusemthethweni uhlelo oluphezu kokungenziwa ukuqeda udubo lokudlwengulwa kwabesifazane labantwana owenzelwe eHarare International Conference Centre ngoLwesine.
Obengumhlonitshwa kulumkhosi umsekeli kamongameli unkosikazi Joice Mujuru ukhuthaze uzulu ukuba amanyane ekulwisaneni lodubo lolu. Wathi lwedlula ukubulala umuntu waveza njalo ukuba inani labadlwengulwayo nsuku zonke lokhe liqansa nxa kukhangelwa imbiko abayithola emapholiseni mihla yonke.
Ukuphawulwa kwaloluhlelo kwenziwa ngesikhathi kulemibiko eyethusayo yokuqansa kwenani labesifazane abadwengulwayo ikakhulu abantwana abaphansi kweminyaka elitshumi lambili.
Umphathintambo wendaba zokulinganiswa kwamathuba phakathi kwabesifazane labesilisa kanye lentuthuko yabesifazane, unkosikazi Oppah Muchinguri yena usole ukwenza kwabezokholo ethi abanye babo sebelandela imikhuba engahambelani lombhalo eye Satanism.
Wathi lalokho okulandelwa ngabokholo lwesipositori okokuthatha abantwana abancinyane babenze omkabo kuyikwephula ilungelo labo ethi lakho kuyikudlwengula.
Abammeli bedale lephalamende labantwana abekade bekulomkhosi batshengise ukukhathazeka phezu kwemithetho engalukhuni yokujezisa abatholakala belecala lokudlwengula abantwana.
Aqhubeka ethi kusobala ukuba abathonisa amacala kanye lamapholisa bakhanya bevikela abalemali ukuze bengavalelwa lanxa kusobala ukuba badale amacala esabekayo.
Unkosazana Rachel Shambare ummeli wesigaba se Kambuzuma eHarare edale lephalamende yabantwana ukhuthaza uhulumende ukuba alalele izikhalazo ezivela ebantwaneni.
Kuthi uIan Ndunduma omela i Sunningdale kulelidale yena usola ukwenza kwabezokholo abanjengemapositoli eJohane Marange abathatha amantombazane amancinyane bebenza omkabo wakhuthaza uhulumende ukuba athathe amanyathelo alukhuni ngoba lokhu kungenye indlela yokudlwengula.
Umgcinisihlalo wenhlanganiso yomanyano wenhlanganiso ezilwela ilungelo labesifazana eye Women Coalition in Zimbabwe, unkosikazi Virginia Muwanigwa uthi kuyinto edanisayo ukuba basesekhona abadlwengula abantwana becatsha ngezokholo wathi kumele bajeziswe kanzima abenza lokho.
Lokhu kugcizelelwe ngunkosikazi Sarudzai Washaya wenhlanganiso ye Zimbabwe Women Development Trust njalo eyisakhamuzi sasemzini we Westlea e Harare.
Wasola ukwenza kwabezokholo okubalisa abesipostoli esithi kumele lomthetho ube lukhuni ukuze kuphele ukudlwengulwa kwabesifazane labantwana.
Uzulu obekulomkhosi ubeka izinduna umlandu wokuphatheka emkhubeni omubi wokuthatha abantwana abancinyane bethi lakho lokhu yikudlwengula.
Kodwa oze emele izinduna umnumzana Fortune Charumbira uthembise ukusebenza nzima ukuluqeda loludubo lokudlwengulwa kwabantwana.
Inhlangothi zonke zempilo zikhuthazwa ukusebenzelana ukuqeda loludubo lokuba imithetho ikhangelwe ukuze bajeziswe kalukhuni abafunyanwa belamacala wokudlwengula kwabesifazane labantwana.
Ukuhlaziya loludaba sixhume olwela ilungelo labesifazana njalo engowenhlanganiso yeWoza uNkosazana Magodonga Mahlangu lesiphathamandla sePadare/Enkundleni uMnu Ziphongeipho Ndebele.
Lokhu kuphume emkhosini wokuphawula okusemthethweni uhlelo lokulwisana lokuvimba ukudlwengulwa kwabesifazana labantwana olwe Zimbabwe National Plan to End Rape and Sexual Abuse.
Abantu bebecula begida emkhosini wokuphawula okusemthethweni uhlelo oluphezu kokungenziwa ukuqeda udubo lokudlwengulwa kwabesifazane labantwana owenzelwe eHarare International Conference Centre ngoLwesine.
Obengumhlonitshwa kulumkhosi umsekeli kamongameli unkosikazi Joice Mujuru ukhuthaze uzulu ukuba amanyane ekulwisaneni lodubo lolu. Wathi lwedlula ukubulala umuntu waveza njalo ukuba inani labadlwengulwayo nsuku zonke lokhe liqansa nxa kukhangelwa imbiko abayithola emapholiseni mihla yonke.
Ukuphawulwa kwaloluhlelo kwenziwa ngesikhathi kulemibiko eyethusayo yokuqansa kwenani labesifazane abadwengulwayo ikakhulu abantwana abaphansi kweminyaka elitshumi lambili.
Umphathintambo wendaba zokulinganiswa kwamathuba phakathi kwabesifazane labesilisa kanye lentuthuko yabesifazane, unkosikazi Oppah Muchinguri yena usole ukwenza kwabezokholo ethi abanye babo sebelandela imikhuba engahambelani lombhalo eye Satanism.
Wathi lalokho okulandelwa ngabokholo lwesipositori okokuthatha abantwana abancinyane babenze omkabo kuyikwephula ilungelo labo ethi lakho kuyikudlwengula.
Abammeli bedale lephalamende labantwana abekade bekulomkhosi batshengise ukukhathazeka phezu kwemithetho engalukhuni yokujezisa abatholakala belecala lokudlwengula abantwana.
Aqhubeka ethi kusobala ukuba abathonisa amacala kanye lamapholisa bakhanya bevikela abalemali ukuze bengavalelwa lanxa kusobala ukuba badale amacala esabekayo.
Unkosazana Rachel Shambare ummeli wesigaba se Kambuzuma eHarare edale lephalamende yabantwana ukhuthaza uhulumende ukuba alalele izikhalazo ezivela ebantwaneni.
Kuthi uIan Ndunduma omela i Sunningdale kulelidale yena usola ukwenza kwabezokholo abanjengemapositoli eJohane Marange abathatha amantombazane amancinyane bebenza omkabo wakhuthaza uhulumende ukuba athathe amanyathelo alukhuni ngoba lokhu kungenye indlela yokudlwengula.
Umgcinisihlalo wenhlanganiso yomanyano wenhlanganiso ezilwela ilungelo labesifazana eye Women Coalition in Zimbabwe, unkosikazi Virginia Muwanigwa uthi kuyinto edanisayo ukuba basesekhona abadlwengula abantwana becatsha ngezokholo wathi kumele bajeziswe kanzima abenza lokho.
Lokhu kugcizelelwe ngunkosikazi Sarudzai Washaya wenhlanganiso ye Zimbabwe Women Development Trust njalo eyisakhamuzi sasemzini we Westlea e Harare.
Wasola ukwenza kwabezokholo okubalisa abesipostoli esithi kumele lomthetho ube lukhuni ukuze kuphele ukudlwengulwa kwabesifazane labantwana.
Uzulu obekulomkhosi ubeka izinduna umlandu wokuphatheka emkhubeni omubi wokuthatha abantwana abancinyane bethi lakho lokhu yikudlwengula.
Kodwa oze emele izinduna umnumzana Fortune Charumbira uthembise ukusebenza nzima ukuluqeda loludubo lokudlwengulwa kwabantwana.
Inhlangothi zonke zempilo zikhuthazwa ukusebenzelana ukuqeda loludubo lokuba imithetho ikhangelwe ukuze bajeziswe kalukhuni abafunyanwa belamacala wokudlwengula kwabesifazane labantwana.
Ukuhlaziya loludaba sixhume olwela ilungelo labesifazana njalo engowenhlanganiso yeWoza uNkosazana Magodonga Mahlangu lesiphathamandla sePadare/Enkundleni uMnu Ziphongeipho Ndebele.