WASHINGTON DC —
Ukudonselana phakathi kwenhlanganiso emela izisebenzi zikahulumende iApex Council lePublic Service Association (PSA), yona elilunga leApex, sokuphazamise inkulumo zokuzama ukulungisisa udaba lweholo lezisebenzi.
IApex Council ibilobele umphathintambo obona ngendaba zezisebenzi zikahulumende uNkosikazi Lucia Matibenga incwadi imupha amabizo abantu azakhulumisana labo bemele izisebenzi ngodaba lweholo.
Ngakwelinye icele, iPublic Service Association layo ihambise incwadi elamabizo abantu bayo kuMatibenga, lanxa iyingxenye yeApex Council.
Lokhu kwenze uNkosikazi Matibenga wabhalela inhlanganiso zombili ngoMvulo ezazisa ukuthi kumele zilungisise ingxabano yazo kuqala njalo zimuphe uluhlu lwabantu abazangena kunkulumo zeholo olulodwa zimanyene.
Ukungezwani phakathi kweApex lePSA kuqale kunyanga ezedluleyo ngemva kokuba iPublic Service Association yale ukuphatheka kukhetho lokudinga inkokheli yeApex.
Obona ngokwethulwa kwembiko kuApex Council uMnu Richard Gundane uthi uNkosikazi Matibenga wenze iphutha elikhulu ngokwala ukwamukela abantu abathunyelwe yiApex.
Kunjalo nje, inhlanganiso emela ababalisi, iProgressive Teachers Union of Zimbabwe (PTUZ) ithi izaphuma lesinqumo emhlanganweni wayo omkhulu ngempelaviki ekuthini amalunga ayo akhalale umsebenzi yini kumbe hatshi.
Inhlanganiso le yazise ekuvulweni kwezikolo ukuthi kungafika umhlaka 5 kulinyanga udaba lweholo lungakalungisiswa, amalunga ayo azakhalala umsebenzi.
Isiphathamandla sePTUZ uMnu Vusumuzi Mahlangu uthi baphatheke kabi ngokwehluleka kukahulumende ukwengezelela izisebenzi iholo.
IApex Council ibilobele umphathintambo obona ngendaba zezisebenzi zikahulumende uNkosikazi Lucia Matibenga incwadi imupha amabizo abantu azakhulumisana labo bemele izisebenzi ngodaba lweholo.
Ngakwelinye icele, iPublic Service Association layo ihambise incwadi elamabizo abantu bayo kuMatibenga, lanxa iyingxenye yeApex Council.
Lokhu kwenze uNkosikazi Matibenga wabhalela inhlanganiso zombili ngoMvulo ezazisa ukuthi kumele zilungisise ingxabano yazo kuqala njalo zimuphe uluhlu lwabantu abazangena kunkulumo zeholo olulodwa zimanyene.
Ukungezwani phakathi kweApex lePSA kuqale kunyanga ezedluleyo ngemva kokuba iPublic Service Association yale ukuphatheka kukhetho lokudinga inkokheli yeApex.
Obona ngokwethulwa kwembiko kuApex Council uMnu Richard Gundane uthi uNkosikazi Matibenga wenze iphutha elikhulu ngokwala ukwamukela abantu abathunyelwe yiApex.
Kunjalo nje, inhlanganiso emela ababalisi, iProgressive Teachers Union of Zimbabwe (PTUZ) ithi izaphuma lesinqumo emhlanganweni wayo omkhulu ngempelaviki ekuthini amalunga ayo akhalale umsebenzi yini kumbe hatshi.
Inhlanganiso le yazise ekuvulweni kwezikolo ukuthi kungafika umhlaka 5 kulinyanga udaba lweholo lungakalungisiswa, amalunga ayo azakhalala umsebenzi.
Isiphathamandla sePTUZ uMnu Vusumuzi Mahlangu uthi baphatheke kabi ngokwehluleka kukahulumende ukwengezelela izisebenzi iholo.