WASHINGTON —
Uhulumende uthi uzanikeza amalayisensi okusaza kulabo abawadingayo elizweni ukwenzela ukuthi inengi lingalaleli imisakazo engaphandle kwelizwe, egoqela iSW Radio Africa kanye lawonalo umsakazo we Studio 7, abayilalela ngoba i-ZBC ingabambi kwezinye izigaba zelizwe, njalo kungelaminye imisakazo elizweni.
Lokhu kuvezwe edale le Senate ngoLwesine ngumsekeli kamphathintambo wogatsha olubona ngokwethulwa kwembiko, uMnumzana Supa Mandiwanzira, ebuzwa ngamalunga ebandla le ZANU PF ukuthi ugatsha lwakhe lwenza mizamo bani yokwenqabela ukusebenza kwemisakazo le elizweni.
UMnu. Mandiwanzira ungezelele wathi uhulumende uphakathi kokulungisa imitshina ye digitalization, ezakwenza ukuthi imisakazo le ingasebenzi elizweni.
Uphinde wathembisa ukuthi uhulumende uzahlolisisa ukuthi iphephandaba le H-Metro kanye lencingo ezitshengisa i whats-up azephuli isiko lesintu ngokutshengisa imifanekiso yabantu abanqunu, ngemva kokuba induna uMusarurwa we Mashonaland Central esebuzisise ngaloludaba.
Ukuze sihlaziye loludaba, sixoxe loMnu. Edwin Ndlovu, isiphathamandla secele le MDC elikhokhelwa nguMnu. Welshman Ncube.
UMnu. Ndlovu utshele uSithandekile Mhlanga weStudio 7 ukuthi lanxa abantu bengaphiwa amalayisensi okusakaza, imisakazo esebenza ingaphandle kwelizwe izaqhubeka ilosekelo olukhulu ngoba ingathathi uhlangothi kwezombusazwe.
Kusenjalo, umphathintambo wezemfundo uMnu. Lazarus Dokora utshele lelidale ukuthi the inengi labantwana alisayi ezikolo ngenxa yendlala kulandela ukungani kuhle ezigabeni ezinengi zelizwe, ngakho kufanele kube lohlelo lokubanika ukudla.
Lokhu kuvezwe edale le Senate ngoLwesine ngumsekeli kamphathintambo wogatsha olubona ngokwethulwa kwembiko, uMnumzana Supa Mandiwanzira, ebuzwa ngamalunga ebandla le ZANU PF ukuthi ugatsha lwakhe lwenza mizamo bani yokwenqabela ukusebenza kwemisakazo le elizweni.
UMnu. Mandiwanzira ungezelele wathi uhulumende uphakathi kokulungisa imitshina ye digitalization, ezakwenza ukuthi imisakazo le ingasebenzi elizweni.
Uphinde wathembisa ukuthi uhulumende uzahlolisisa ukuthi iphephandaba le H-Metro kanye lencingo ezitshengisa i whats-up azephuli isiko lesintu ngokutshengisa imifanekiso yabantu abanqunu, ngemva kokuba induna uMusarurwa we Mashonaland Central esebuzisise ngaloludaba.
Ukuze sihlaziye loludaba, sixoxe loMnu. Edwin Ndlovu, isiphathamandla secele le MDC elikhokhelwa nguMnu. Welshman Ncube.
UMnu. Ndlovu utshele uSithandekile Mhlanga weStudio 7 ukuthi lanxa abantu bengaphiwa amalayisensi okusakaza, imisakazo esebenza ingaphandle kwelizwe izaqhubeka ilosekelo olukhulu ngoba ingathathi uhlangothi kwezombusazwe.
Kusenjalo, umphathintambo wezemfundo uMnu. Lazarus Dokora utshele lelidale ukuthi the inengi labantwana alisayi ezikolo ngenxa yendlala kulandela ukungani kuhle ezigabeni ezinengi zelizwe, ngakho kufanele kube lohlelo lokubanika ukudla.