Inhlanganiso ezizimeleyo zibamba imihlangano lezakhamizi zeChitungwiza yokufundisana ngokuhlaliseka enqondweni ngemva kokubhekana lodubo ezikhathaza inhlalakahle yabo lemhuli zabo.
Inhlanganiso yeChiedza Community Trust isebenzelana lenhlanganiso yeTree of Life ziqhube imihlangano yezifundo yokuphathisa izakhamizi ze Chitungwiza ezilokuthathala empilweni zabo njengokucasisa komqondisi wenhlanganiso ye Chitungwiza residents trust engena layo lumhlangano umnumzana Marvelous Khumalo:
Umnumzana George Mangava wenhlanganiso ye Chiedza Community Trust uthi abantu abanengi babhekana lenkinga ezithile eziphatha impilakahle yabo ethi bahlanganisa abantu abalenkinga ezinje ukuze benikezana amacebo okuba bekhululeke.
Umnumzana Dingilizwe Dube ongene lumhlangano laye uthi imihlangano enje iyaphathisa:
UKhumalo uthi inhlanganiso ye Chitungwiza residents trust ingena lumhlangano ukuze abantu bethole uncedo njalo yenelise ukuqubekela phambili ngemva kokuba lezinhlanganiso sezisukile kulindawo:
UMangava uthi imihlangano enje baihlanganisela lezinto ezifana lemidlalo yenguqu njalo bekhuluma bekhululekile endaweni ezifana langaphansi kwezihlala ukukhuthaza abantu ukuze bekhululeke benelise ukuphathiseka bengelanhloni.
UDube uthi babona ukubhidlika kwamasiko sokubangela ukuba kube lendubo ezifana lokudlwengulwa kwabesifazane kunye lesifo sengculaza.
Umnumzana Manjava uthi udubo olukhulu ngolwabantu abacina sebefuna ukuthatha umphefumulo wabo ngenxa yendubo abalazo ethi ukubahlanganisa labanye abalenkinga ezifanayo kubenza ukuba bebone impilo ngendlela etshiyeneyo. Uthi inengi labantu abalenkinga ezinje ngabantu aba dilizelwa izindlu zabo kuleli dolobha, abantu abahlukuluzwa kudlakela lwezombusazwe, omama ababanjwa inkunzi kumbe ukudlwengulwa, abantwana ababona abazali babo bekhathazekile kunye lemizi ebhekana lenkinga ezifana lokusilela kokudla. Ethi imizamo yokufuna ukumisa abantu abaphila ngokuzithengisela ukwenza imisebenzi yabo kwengengezelela loludubo.
Uhulumende lama khansili ona athi akamisi abantu abanje imisebenzi yabo kodwa bafuna ukuba besebenze kakuhle ngokusemthethweni endaweni ezivunyezwayo.