Uhulumende uthi imigoqo eyokuqondisa iziazalwane zeZimbabwe ezihlala kwamanye amazwe eye National Diaspora Policy isilolongiwe yasiwa kudale le Cabinet lapho esimelele ukwethulwa.
Injongo yalimigoqo ngeyokuthi uhulumende athole indlela angathola ngayo inzuzo kumali ethunyelwa ngabantu laba njalo lokuthi nxa befuna ukusungula amabhizimusi ekhaya bamele balandele imithetho enjani.
Oqoqa inhelo zenhlanganiso elwela ilungelo lezizalwane ze Zimbabwe ezihlala kwamanye amazwe, eye Global Zimbabwe Forum, uMnu. Daniel Molokele utshele iStudio Seven ukuthi abahlala ngaphandle kwelizwe kabemukeli imigoqo le ngoba bengavunyelwa ukuvota besemazweni abahlala kuwo lokuthi babeyizizalwane zamazwe abayabe bekhona kunye leZimbabwe, idual citizenship ngesilungu.
"Nxa sikhuluma nge Diaspora Policy sikhuluma ngendlela uhulumende we Zimbabwe afuna ukusebenzelana lezizalwane zalelolizwe esezihlala kwamanye amazwe. Ipolicy le ikhangela ukuthi kuyini uhulumende amele akuqakathekise nxa efuna ukusebenzelana lezizalwane ze Zimabwe," kutsho uMolokele.
Uthi okunye okunye okwenziwa yimigoqo le yikuthi nxa izizalwane zifuna ukuthenga izindlu kumbe ukwenza amabhizimusi kuyini okumele zikwenze lendaba zamaphepha agoqela ama birth certificate amapassport lamanye.
Wengezelele esithi izizalwane zeZimbabwe kazithakazeleli imigoqo le ngoba zingaphiwa ithuba lokuvota zzisemazweni esezihlala khona njegalokho okwenziwa yizizalwane zamanye amazwe afana le South Africa le Botswana.
"Abanengi abakuthakazeleli siyazi ukuthi abanengi basuke elizweni ngomumo wezombusazwe. Abanye ngabakhonona ngokuthi uma umuntu esehlale kakhulu emzaweni aphiwe okuthiwa yi dual citizenship," kutsho uMolokele.
