BULAWAYO —
Imidlalo yenguqu eyesigaba seCastle Premier Soccer League ingena kuhlandla lesibili kulimpelaviki kulemidlalo egobhozisa amathe ezaqhutshelwa edolobheni lakoBulawayo.
NgoLwesihlanu iqembu le Chicken Inn lizemukela ele Shabanie Mine enkundleni ye Luveve njalo lokhu kuyabe kungokwesithathu ukudibana kwalawamaqembu imidlalo ilandelana ngemva kokuba ehlangane kuviki yetshumi lanhlanu kuligi aphinda adlala njalo kunkezo ye Banc ABC.
I Chicken Inn yiyo enqobe kuligi nge 2 ka 1 kwathi iShabanie iphumelele kunkezo ye Banc abc nge 2 ka 0. Umdlalo wangoLwesihlanu ke yiwo osuzaveza mgceke ukuba ngubani iqhude elikhulu phakathi kwabaqeqetshi uMandla Mpofu we Chicken Inn kanye lo Luke Masomore owe Shabanie Mine.
IChicken Inn ilakho ukuphapha iyehlala phezu kwengalane yemiklomelo inganqoba ngoLwesihlanu.
NgoMgqibelo iHow Mine izadlala lentshantshu zanyakenye iqembu le dynamos eLuveve idinga ukuphindisela ukudliwa ekwenziwe kumaviki amabili edluleyo.
I How Mine isiyehluleke ukunqoba kuyo yonke imidlalo emihlanu eseyidlale ngemva kokunqoba iHighlanders njalo lokhu sokudale inkulumo kubalandeli bayo abathi akuphendukiswe abadlali abangenisa leliqembu esigabeni saphezulu bona abalahlwayo ngesikhathi kuqhatshwa abaqeqetshi abatsha ekuqaleni komnyaka.
NgeNsonto i Highlanders izangqikilana le Caps United layo idinga ukuphindisela ngemva kokudliwa liqembu elifanayo kumaviki amabili adluleyo.
Eminye imidlalo ekhona kulimpela viki izadlalwa ngokulandelayo.
NgoMgqibelo iBlack Mambas ile Triangle eMorris Depot kuthi i Harare City ile Hwange ngase Rufaro. NgeNsonto iBuffaloes le Tripple B zizadibana eSakubva, iBlack Rhinos izangqikilana le FC Platinum e Rimuka kuthi i Motor Action izadlala le Monomotapa ngase Motor Action Sports Club.
Sikhangele umdlalo kakhilikithi;
Amaqembu abasakhulayo amela ilizwe emdlalweni kakhilikithi aselizweni le South Africa lapho ayephatheka khona kumidlalo ye Eastern Junior Club Cricket Association Southern African Festival eqhutshelwa endaweni yase Benoni.
I Zimbabwe ithumele iqembu labafana abaleminyaka engaphansi kwelitshumi lesithupha kanye lelabafana abaleminyaka engaphansi kwelitshumi lathoba minwe mbili.
Limidlalo ikhangelelwe ukuba iphe ithuba kunkokheli zomdlalo kakhilikithi kuleli ukuba zikhethe abadlali abazamela ilizwe kumidlalo yezizwe zomhlaba ezadlalwa ngabafana abaleminyaka engaphansi kwelitshumi lathobamunwe munye ngomnyaka ozayo.
NgoLwesihlanu iqembu le Chicken Inn lizemukela ele Shabanie Mine enkundleni ye Luveve njalo lokhu kuyabe kungokwesithathu ukudibana kwalawamaqembu imidlalo ilandelana ngemva kokuba ehlangane kuviki yetshumi lanhlanu kuligi aphinda adlala njalo kunkezo ye Banc ABC.
I Chicken Inn yiyo enqobe kuligi nge 2 ka 1 kwathi iShabanie iphumelele kunkezo ye Banc abc nge 2 ka 0. Umdlalo wangoLwesihlanu ke yiwo osuzaveza mgceke ukuba ngubani iqhude elikhulu phakathi kwabaqeqetshi uMandla Mpofu we Chicken Inn kanye lo Luke Masomore owe Shabanie Mine.
IChicken Inn ilakho ukuphapha iyehlala phezu kwengalane yemiklomelo inganqoba ngoLwesihlanu.
NgoMgqibelo iHow Mine izadlala lentshantshu zanyakenye iqembu le dynamos eLuveve idinga ukuphindisela ukudliwa ekwenziwe kumaviki amabili edluleyo.
I How Mine isiyehluleke ukunqoba kuyo yonke imidlalo emihlanu eseyidlale ngemva kokunqoba iHighlanders njalo lokhu sokudale inkulumo kubalandeli bayo abathi akuphendukiswe abadlali abangenisa leliqembu esigabeni saphezulu bona abalahlwayo ngesikhathi kuqhatshwa abaqeqetshi abatsha ekuqaleni komnyaka.
NgeNsonto i Highlanders izangqikilana le Caps United layo idinga ukuphindisela ngemva kokudliwa liqembu elifanayo kumaviki amabili adluleyo.
Eminye imidlalo ekhona kulimpela viki izadlalwa ngokulandelayo.
NgoMgqibelo iBlack Mambas ile Triangle eMorris Depot kuthi i Harare City ile Hwange ngase Rufaro. NgeNsonto iBuffaloes le Tripple B zizadibana eSakubva, iBlack Rhinos izangqikilana le FC Platinum e Rimuka kuthi i Motor Action izadlala le Monomotapa ngase Motor Action Sports Club.
Sikhangele umdlalo kakhilikithi;
Amaqembu abasakhulayo amela ilizwe emdlalweni kakhilikithi aselizweni le South Africa lapho ayephatheka khona kumidlalo ye Eastern Junior Club Cricket Association Southern African Festival eqhutshelwa endaweni yase Benoni.
I Zimbabwe ithumele iqembu labafana abaleminyaka engaphansi kwelitshumi lesithupha kanye lelabafana abaleminyaka engaphansi kwelitshumi lathoba minwe mbili.
Limidlalo ikhangelelwe ukuba iphe ithuba kunkokheli zomdlalo kakhilikithi kuleli ukuba zikhethe abadlali abazamela ilizwe kumidlalo yezizwe zomhlaba ezadlalwa ngabafana abaleminyaka engaphansi kwelitshumi lathobamunwe munye ngomnyaka ozayo.