Abalandeli bomdlalo wenguqu eZimbabwe babikwa bengajabuliswa yindlela ehlelwa ngayo imidlalo yesigabeni seCastle Lager Premier Soccer League lonyaka.
Lokhu kwenzakala ngemva kombiko othi amaqembu akhokhelayo engalaneni yemiklomelo eye PSL iChicken Inn le FC Platinum anqikilana ngoMgqibelo kuthi iDynamos elisesibangeni sesithathu idlala ngeSonto.
Abakhononayo laba bathi ngokuhlela ngale indlela kunika iDynamos ithuba lokulungiselela lokudlala lisazi ukuthi yiliphi iqembu okumele lilinanzelele.
I-Chicken Inn ingqikilana lomakhelwane iHow Mine kuthike iFC Platinum ingqikilana le. IDynamos yona idlala le Hwahwa enkundleni ye Mandava Stadium.
Eminye imidlalo yenguqu ngempelasonto imi kanje :
ZPC Kariba v Caps United
Buffaloes v Tsholotsho
Triangle v Flame Lilly
Highlanders v Dongo Sawmills
Hwange v ` Chapungu
Kukhilikithi:
EleZimbabwe liphinde lanqotshwa emidlalweni yalo yonke lePakistan emidlalweni yohlobo lwemidlalo edlalwa ngelanga elilodwa eyeTwenty20 / ODI Series.
