Imhuli yakoBrown leyakoMarare bethule umbiko ogcizelela imfa yomculi osakhulayo, uChiedza Brown obhubhe ngoMgqibelo Mpandula 12, 2015. Abemhuli le bagcaze uChiedza njengendodakazi ebilothando njalo ebithakazalelwa hatshi ngabemhuli kuphela kodwa lomuntu wonke owaba lethuba lokuhlangana laye.
UChiedza ubengumculi, engumdwebi wemifanekiso, engumdlali emidlalweni yokulingisa njalo esenelisa ukudlala icaco leMbira okuyisipho asithatha lokufundela kunina umuyi uChioniso Maraire. Luntombazana ubevele ephuma emhulini ezimbili ezizintshantshu kwezomculo ngoba uyise laye osowabhubha uAndy Brown wayengomunye wabaculi abadumileyo eZimbabwe.
Imhuli zombili eyakoMaraire leyakoBrown bathi bayabonga ngosekelo asebelutholile ngalesi sikhathi sokulila lokuhlakelwa okukhulu njalo bazakwazisa ngamalungiselelo womngcwabo kufikhatshana esifitshane eislandelayho.