WASHINGTON DC —
Inhlanganiso ephathisa amazwe omhlaba ngemali eyeInternational Monetary Fund ithi eleZimbabwe kumele lihlawule isikwelede salo kuqala nxa lifuna ukwebolekwa enye njalo imali yokuvuselela umnotho.
EleZimbabwe lilesikwelede esifika i$10 billion kuIMF, iWorld Bank lamanye amabhanga.
Ummeli weIMF eHarare uMnu Dominique Fanezzi uthi inhlanganiso yakhe lamanye amabhanga omhlaba engaphathisa kuphela nxa eleZimbabwe lingahlawula izikwelede zalo.
iZimbabwe ikweleda inhlanganiso yeIMF imali engange $142 million.
Ukuhlaziya loludaba sixhume ingcwethi ehlaziya ezenotho uMnu Masimba Kuchera yena othi ngempela uhulumende kumele ahlawule izikwelede zakhe.