Inhlanganiso ephathisa amazwe ngemali eye International Monetary Fund (IMF) ithi isisuse ele Zimbabwe kuluhlu lwamazwe afakelwa izijeziso zenotho kodwa kayisoze iphathise lelilizwe ngemali ngoba lokhe iZimbabwe ingalandeli izinqumo zayo.
Kodwa ele Zimbabwe libhadele isikwelede elalilaso kunhlanganiso le ngenyanga eyedluleyo.
Inhlanganiso ye IMF ithi nxa ele Zimbabwe lingabhadalanga inhlanganiso ezifana le African Development Bank, iWorld Bank lezinye ezimbalwa kayisoze iphiwe olunye uncedo lwemali.
Linhlanganiso yafakela ele Zimbabwe izinqumo ezimbalwa ezibalisa ukwehlisa inani lezisebenzi zikahulumende, ukulandela umhlahlandlela wokuthuthukisa umnotho lezinye izinqumo ezibalisa ukungephuli ilungelo likazulu.
Sixoxe lengcwethi ecubungula ezombusazwe, uMnu. Brilliant Mhlanga, saqala ngokumbuza ukuthi kambe ilizwe lizacina lilandela na izinqumo ze IMF.
