WASHINGTON —
Uhulumende uthi uzakhalaza ukuthi inhlanganiso ye International Monetory Fund-IMF- leye World Bank yeboleke elezimbabwe eyinye njalo imali yokubhadala izikwelede alazo ezedlula amabhiliyoni amane amadola ngoba ayisekho eyinye indlela yokwesula lezizikwelede andubana kuthuthukiswe umnotho welizwe.
Lokhu kuvezwe ngoLwesithathu ngumphathintambo wogatsha lukahulumende olubona ngezemali uMnu. Patrick Chinamasa, ephendula imbuzo kulelidale. UMnu. Chinamasa uphakathi kokuxoxisana lequla le IMF elifike elizweni izolo.
Uphinde wavuma ukuthi kufanele uhulumende asungule inhlelo ezizakhanga osomabhizimusi bakwamanye amazwe njalo abhadale izikwelede ngesikhathi esifaneleyo. Wengezelele wathi uhulumende kakagcwalisi izinqumo aziphiwa yi-IMF eziphathelane lokulungisa imithetho yokwenjiwa kwamatshe aligugu elizweni.
Ukuzwa okunengi ngaloludaba, uSithandekile Mhlanga weStudio 7 uxoxe loNkosikazi Dorcas Sibanda, omela iBulawayo East edale lephalamende, ekukhomithi ebona ngezemali kulelidale. UNkosikazi Sibanda uthi uChinamasa usole athi bakhuluma okungaqondanga ngeZimbabwe kwamanye amazwe lanxa abantu belelungelo lokuthi bakhulume abakufunayo njalo abakubona kuliqiniso.
Lokhu kuvezwe ngoLwesithathu ngumphathintambo wogatsha lukahulumende olubona ngezemali uMnu. Patrick Chinamasa, ephendula imbuzo kulelidale. UMnu. Chinamasa uphakathi kokuxoxisana lequla le IMF elifike elizweni izolo.
Uphinde wavuma ukuthi kufanele uhulumende asungule inhlelo ezizakhanga osomabhizimusi bakwamanye amazwe njalo abhadale izikwelede ngesikhathi esifaneleyo. Wengezelele wathi uhulumende kakagcwalisi izinqumo aziphiwa yi-IMF eziphathelane lokulungisa imithetho yokwenjiwa kwamatshe aligugu elizweni.
Ukuzwa okunengi ngaloludaba, uSithandekile Mhlanga weStudio 7 uxoxe loNkosikazi Dorcas Sibanda, omela iBulawayo East edale lephalamende, ekukhomithi ebona ngezemali kulelidale. UNkosikazi Sibanda uthi uChinamasa usole athi bakhuluma okungaqondanga ngeZimbabwe kwamanye amazwe lanxa abantu belelungelo lokuthi bakhulume abakufunayo njalo abakubona kuliqiniso.
