BULAWAYO —
Ibandla le MDC elikhokhelwa nguMnu. Morgan Tsvangirai koBulawayo lithi lizakutsho kuyonale iviki ukuthi likhetha bani ukuba ngumeya wedolobho kungakho akumelanga okhansila abakhethiweyo baxabane bekhankasela lesi isikhundla ngoba isixwayiso sizavela kukhomithi ye National Standing ukuthi kubekwe bani.
Kubikwa sokuqhamuke ukuxabana phakathi kwabokhansila abakhethiweyo koBulawayo kubangwa ukuthi ngubani ozakuba ngumeya walelidolobho.
Sokulamabizo athize abantu abalakho ukuthola lesi sikhundla, agoqela umgcinisihlalo webandla uMnumzana Lovemore Moyo, ofundisa eyunivesithi ye National University of Science and Technology, uDr Mandla Nyathi, igqwetha uMnumzana Kucaca Phulu, ukhansila uMnumzana Ernest Rafemoyo kanye lokhangela ezenguqu uMnumzana Gift Banda.
Umgcinisihlalo webandla kulelidolobho, uMnumzana Gorden Moyo uthi ibandla lakhe yilo elizakutsho ukuthi kuqhutshwe njani ukukhetha umeya wedolobho abakhangelele ukuthi abengumuntu ololwazi lokuvuselela inotho njalo alethe ingqubelaphambili kulindawo.
Uthi akudingeki ukuthi okhansila baxabane ngalesisikhundla ngoba bafisa kwenziwe okulungele ibandla ledolobho kungakho besakhulumisana labantu abathile anduba kwenziwe isimemezelo kuyonale iviki.
UNkosikazi Busi Matobo, oyisakhamuzi, uthi nxa kukhethwa umeya wedolobho kumele kungakhangelwa izifiso zebandla kuphela ngoba lesisikhundla ngesomuntu ofanele ukuqhuba inhlelo zikazulu ngakho kudingeka umuntu ololwazi njalo owenelisa ukusebenzelana labantu abavela kumabandla atshiyeneyo.
UMnumzana Martin Ncube, oyisakhamuzi njalo, uthi kuvele kuzakuba nzima ukuthi ikhansili yakoBulawayo isebenzelane lohulumende webandla le Zanu PF ngakho kungabangcono nxa umeya kungaba ngumuntu oyingcitshi kumsebenzi wakhe kodwa engelani lamabandla ezombusazwe ukuze enelise ukusebenza lekhansili elamalunga e MDC-T kanye lohulumende weZanu PF.
Ikhansili ayikahlali umhlangano wayo wakuqala lapho ejwayele ukukhetha umeya. Akukacaci ukuthi kulandela inguquko ezibekhona kumthetho wamadolobho ngaphansi kwesisekelo esitsha sombuso, umsebenzi lo uzaqhutshwa njani. Kumthetho omutsha, umeya uyakhokhela isigaba sonke se Metropolitan Province hatshi ikhansili kuphela.
Kubikwa sokuqhamuke ukuxabana phakathi kwabokhansila abakhethiweyo koBulawayo kubangwa ukuthi ngubani ozakuba ngumeya walelidolobho.
Sokulamabizo athize abantu abalakho ukuthola lesi sikhundla, agoqela umgcinisihlalo webandla uMnumzana Lovemore Moyo, ofundisa eyunivesithi ye National University of Science and Technology, uDr Mandla Nyathi, igqwetha uMnumzana Kucaca Phulu, ukhansila uMnumzana Ernest Rafemoyo kanye lokhangela ezenguqu uMnumzana Gift Banda.
Umgcinisihlalo webandla kulelidolobho, uMnumzana Gorden Moyo uthi ibandla lakhe yilo elizakutsho ukuthi kuqhutshwe njani ukukhetha umeya wedolobho abakhangelele ukuthi abengumuntu ololwazi lokuvuselela inotho njalo alethe ingqubelaphambili kulindawo.
Uthi akudingeki ukuthi okhansila baxabane ngalesisikhundla ngoba bafisa kwenziwe okulungele ibandla ledolobho kungakho besakhulumisana labantu abathile anduba kwenziwe isimemezelo kuyonale iviki.
UNkosikazi Busi Matobo, oyisakhamuzi, uthi nxa kukhethwa umeya wedolobho kumele kungakhangelwa izifiso zebandla kuphela ngoba lesisikhundla ngesomuntu ofanele ukuqhuba inhlelo zikazulu ngakho kudingeka umuntu ololwazi njalo owenelisa ukusebenzelana labantu abavela kumabandla atshiyeneyo.
UMnumzana Martin Ncube, oyisakhamuzi njalo, uthi kuvele kuzakuba nzima ukuthi ikhansili yakoBulawayo isebenzelane lohulumende webandla le Zanu PF ngakho kungabangcono nxa umeya kungaba ngumuntu oyingcitshi kumsebenzi wakhe kodwa engelani lamabandla ezombusazwe ukuze enelise ukusebenza lekhansili elamalunga e MDC-T kanye lohulumende weZanu PF.
Ikhansili ayikahlali umhlangano wayo wakuqala lapho ejwayele ukukhetha umeya. Akukacaci ukuthi kulandela inguquko ezibekhona kumthetho wamadolobho ngaphansi kwesisekelo esitsha sombuso, umsebenzi lo uzaqhutshwa njani. Kumthetho omutsha, umeya uyakhokhela isigaba sonke se Metropolitan Province hatshi ikhansili kuphela.