WASHINGTON —
Ibandla le MDC elikhokhelwa nguMnu. Morgan Tsvangirai lixotshe kulelibandla umayor weMutare ukhansila Tatenda Nhemarare kanye lamakhansila ayisitshiyagalolunye abetheswa icala lokuthi abalandelanga isinqumo salelibandla ngesikhathi kuvotelwa amakhansila labo mayor kukhetho olwedluleyo.
Isikhulumi se MDC-T uMnu. Douglas Mwonzora utshele intathelizindaba eHarare ngoLwesihlanu emini ngemva komhlangano we khomiti ye National Council yalelibandla ukuthi umayor we Gweru ukhansila Hamutendi Kombayi kuzafanela atshiye isikhundla ebuyele ebandleni elizamazisa ngenyathelo elilandelayo.
Abaxotshwe ekhansili yeMutare ngesizatho esifanayo ngokhansila Pamela Mutasa, Richard Bhiza, lo Farai Mupfura. E-Redcliff kuxotshwe ukhansila Takura Chikwiri, Euphrasia Duro, kanye lo khansila Onward Majaji. Abehlelwe ngokufanayo eVictoria Falls ngokhansila Morris Nyathi, Robson Salimu, lo Rich Mguni.
UMnumzana Mwonzora uthe kusobala ukuthi laba babesebenzelana lebandla le ZANU PF ngabomo.
Umsekeli kaMwonzora uMnumzana Joel Gabhuza utshele uSithandekile Mhlanga weStudio 7 ukuthi abaxotshiweyo khona bezakwaziswa ngokusemthethweni ngaloludaba.
Isikhulumi se MDC-T uMnu. Douglas Mwonzora utshele intathelizindaba eHarare ngoLwesihlanu emini ngemva komhlangano we khomiti ye National Council yalelibandla ukuthi umayor we Gweru ukhansila Hamutendi Kombayi kuzafanela atshiye isikhundla ebuyele ebandleni elizamazisa ngenyathelo elilandelayo.
Abaxotshwe ekhansili yeMutare ngesizatho esifanayo ngokhansila Pamela Mutasa, Richard Bhiza, lo Farai Mupfura. E-Redcliff kuxotshwe ukhansila Takura Chikwiri, Euphrasia Duro, kanye lo khansila Onward Majaji. Abehlelwe ngokufanayo eVictoria Falls ngokhansila Morris Nyathi, Robson Salimu, lo Rich Mguni.
UMnumzana Mwonzora uthe kusobala ukuthi laba babesebenzelana lebandla le ZANU PF ngabomo.
Umsekeli kaMwonzora uMnumzana Joel Gabhuza utshele uSithandekile Mhlanga weStudio 7 ukuthi abaxotshiweyo khona bezakwaziswa ngokusemthethweni ngaloludaba.
