HARARE —
Abebandla eliphikisayo ele MDC elikhokhelwa ngumnumzana Morgan Tsvangirayi bathi kabalani lodaba lwezijeziso zomnotho ezabekelwa eyinye inkokheli ye Zanu Pf ngabamazwe angentshonalanga.
Lezi zijeziso abe MDC bathi kazibekelwanga ilizwe, zabekelwa lezonkokheli ngenxa yokwenza kwazo okubalisa ukwephula iilungelo loluntu,ukuqilibezela kukhetho kanye lokungalandeli intando kazulu okuyinto elandulwa ngabe ZANU PF.
Isikhulumeli se MDC umnumzana Douglass Mwonzora utshele intathelizindaba ukuba okuhlezi kukhulunywa ngabe Zanu Pf ukuba ilizwe liyehluleka ukuqhuba imisebenzi yentuthuko ngenxa yalezi zijeziso kuyikucatsha ngomunwe.
Uthi sekungumsebenzi we Zanu Pf njengebandla,ukuvuselela ubudlelwano obuhle phakathi kweleZimbabwe lamanye amazwe womhlaba abalisa awentshonangalanga njengalokho obekusenziwa ngoke waba yinhloko kahulumende umnumzana Morgan Tsvangirayi,ngesikhathi sombuso kahulumende womanyano.
Kodwa abebandla le Zanu Pf bayakulandula okutshiwo ngabe MDC beqina ngelokuthi kumele zisuswe lezi zijeziso zomnotho ezabekelwa umongameli Robert Mugabe kanye lezinye inkokheli ze Zanu Pf bethi yikho osekuphazamisa intuthuko yenotho yelizwe.
Isikhulumeli salelibandla le Zanu Pf umnumzana Rugare Gumbo uthi yikuchita isikhathi ukuba kube lokhe kukhulunywa ngendaba zokwephulwa kwelungelo loluntu.
U Gumbo uthi kunengi osekwenziwa libandla lakhe ukulwela ilungelo loluntu kusukela ngesikhathi sempi yenkululeko.
Wathi okumele kwenziwe ngabeMDC-T, yikukhuthaza uzulu ukuba akhulume ngalizwi linye ukukhankasela ukususwa kwalezi zijeziso.
Abenhlanganiso yamazwe akumanyano we European Union kanye labeMelika babekele umongameli Mugabe lezinye inkokheli zebandla leZanu Pf izijeziso zomnotho ezibavimba ukuba bangaze banelisa ukwethekelela lamazwe besetheswa umlandu wokwephula ilungelo loluntu kanye lokungaqhubi ukhetho ngendlela.
Lezi zijeziso abe MDC bathi kazibekelwanga ilizwe, zabekelwa lezonkokheli ngenxa yokwenza kwazo okubalisa ukwephula iilungelo loluntu,ukuqilibezela kukhetho kanye lokungalandeli intando kazulu okuyinto elandulwa ngabe ZANU PF.
Isikhulumeli se MDC umnumzana Douglass Mwonzora utshele intathelizindaba ukuba okuhlezi kukhulunywa ngabe Zanu Pf ukuba ilizwe liyehluleka ukuqhuba imisebenzi yentuthuko ngenxa yalezi zijeziso kuyikucatsha ngomunwe.
Uthi sekungumsebenzi we Zanu Pf njengebandla,ukuvuselela ubudlelwano obuhle phakathi kweleZimbabwe lamanye amazwe womhlaba abalisa awentshonangalanga njengalokho obekusenziwa ngoke waba yinhloko kahulumende umnumzana Morgan Tsvangirayi,ngesikhathi sombuso kahulumende womanyano.
Kodwa abebandla le Zanu Pf bayakulandula okutshiwo ngabe MDC beqina ngelokuthi kumele zisuswe lezi zijeziso zomnotho ezabekelwa umongameli Robert Mugabe kanye lezinye inkokheli ze Zanu Pf bethi yikho osekuphazamisa intuthuko yenotho yelizwe.
Isikhulumeli salelibandla le Zanu Pf umnumzana Rugare Gumbo uthi yikuchita isikhathi ukuba kube lokhe kukhulunywa ngendaba zokwephulwa kwelungelo loluntu.
U Gumbo uthi kunengi osekwenziwa libandla lakhe ukulwela ilungelo loluntu kusukela ngesikhathi sempi yenkululeko.
Wathi okumele kwenziwe ngabeMDC-T, yikukhuthaza uzulu ukuba akhulume ngalizwi linye ukukhankasela ukususwa kwalezi zijeziso.
Abenhlanganiso yamazwe akumanyano we European Union kanye labeMelika babekele umongameli Mugabe lezinye inkokheli zebandla leZanu Pf izijeziso zomnotho ezibavimba ukuba bangaze banelisa ukwethekelela lamazwe besetheswa umlandu wokwephula ilungelo loluntu kanye lokungaqhubi ukhetho ngendlela.