WASHINGTON —
Icele le MDC elikhokhelwa nguMnu. Morgan Tsvangirai lithi seliqalisile ukuxoxisana ngodaba lokuthi ngubani ozakhokhela lelibandla nxa kungenzakala ukuthi abekwe eceleni.
Lokhu kuvezwe yisikhulumi salelibandla uMnu. Douglas Mwonzora ngoLwesine emhlanganweni lentathelizindaba emahofisini alelibandla eHarvest House eHarare.
Iziphathamandla zalelibandla ezigoqela oMnu. Roy Bennett, Ian Kay, kanye lo Eddie Cross zike zaluphatha udaba lokuthi uMnu. Tsvangirai atshiye isikhundla ngoba esehlulekile ukukhupha ibandla le ZANU PF embusweni okubikwa kucaphule eyinye inkokheli yalelibandla.
Kodwa uMnu. Mwonzora uphikile ukuthi ukhona ozahlukuluzwa engakhuluma ngaloludaba elandela imithetho yalelibandla, wangezelela wathi ibandla lakhe liyavumelana ukuthi uMnu. Tsvangirai uzalikhokhela lelibandla kuze kufike umnyaka ka 2016 lapho sokuyiwa emhlanganweni omkhulu weCongress.
Kodwa uMnu. Abednico Bhebhe, umsekeli kamqoqi wenhlelo zalelibandla uthi umthetho webandla lakhe ukhomba ukuthi kucutshungulwa zonke izikhundla hatshi esomkhekheli kuphela.
Ibandla leli liphinde lachasisa ukuthi lilokhu lisadingisisa ngodaba lwamakhansili alo agoqela awe Victoria Falls, Gweru, leMutare abikwa engavotanga ngendlela eyayifunwa yilelibandla kukhetho oludluleyo. IMDC-T ithi izancintisa kukhetho lwe Bikita West kulandela ukuxotshwa kukaMnu. Munyaradzi Kereke kubandla le ZANU PF.
Liphinde lasola indlela uhulumende aphethe ngayo udaba lokubotshwa kwesiphathamandla salo uMnu. Morgan Komichi, ukuhlukuluzwa kwabesifazana abatshengisele kunkampani yamalahle eyeHwange Colliery Company ngokungaholi kwabomkabo, kanye lokucitshelwa kwabantu amanzi lamagetsi mahlayana.
Lokhu kuvezwe yisikhulumi salelibandla uMnu. Douglas Mwonzora ngoLwesine emhlanganweni lentathelizindaba emahofisini alelibandla eHarvest House eHarare.
Iziphathamandla zalelibandla ezigoqela oMnu. Roy Bennett, Ian Kay, kanye lo Eddie Cross zike zaluphatha udaba lokuthi uMnu. Tsvangirai atshiye isikhundla ngoba esehlulekile ukukhupha ibandla le ZANU PF embusweni okubikwa kucaphule eyinye inkokheli yalelibandla.
Kodwa uMnu. Mwonzora uphikile ukuthi ukhona ozahlukuluzwa engakhuluma ngaloludaba elandela imithetho yalelibandla, wangezelela wathi ibandla lakhe liyavumelana ukuthi uMnu. Tsvangirai uzalikhokhela lelibandla kuze kufike umnyaka ka 2016 lapho sokuyiwa emhlanganweni omkhulu weCongress.
Kodwa uMnu. Abednico Bhebhe, umsekeli kamqoqi wenhlelo zalelibandla uthi umthetho webandla lakhe ukhomba ukuthi kucutshungulwa zonke izikhundla hatshi esomkhekheli kuphela.
Ibandla leli liphinde lachasisa ukuthi lilokhu lisadingisisa ngodaba lwamakhansili alo agoqela awe Victoria Falls, Gweru, leMutare abikwa engavotanga ngendlela eyayifunwa yilelibandla kukhetho oludluleyo. IMDC-T ithi izancintisa kukhetho lwe Bikita West kulandela ukuxotshwa kukaMnu. Munyaradzi Kereke kubandla le ZANU PF.
Liphinde lasola indlela uhulumende aphethe ngayo udaba lokubotshwa kwesiphathamandla salo uMnu. Morgan Komichi, ukuhlukuluzwa kwabesifazana abatshengisele kunkampani yamalahle eyeHwange Colliery Company ngokungaholi kwabomkabo, kanye lokucitshelwa kwabantu amanzi lamagetsi mahlayana.