WASHINGTON DC —
Ibandla leMDC elikhokhelwa nguMnu Welshman Ncube lithi selidilize ugatsha lwalo lwePumula koBulawayo njalo lamisa umsebenzi inkokheli yalolugatsha.
Abamiswe umsebenzi laba ngumgcinisihlalo wePumula District uNkosikazi Losiya Chamisa Ncube lomqoqi obona ngenhlelo zebandla uMnu Nqobizitha Moyo.
UMoyo loNkosikazi Ncube betheswa icala lokwala ukukhankasela uMnu Welshman Ncube kukhetho olwedluleyo kanye lokusebenzelana lamanye amabandla.
"Semukele izincwadi ezivela kumaWards ePumula ekhonona ngokuthi uMoyo loMaNcube kabaqhubi kuhle umsebenzi," kutsho isikhulumeli seMDC koBulawayo uMnu Edwin Ndlovu.
"Insolo zabo zisuka singakayi ekhethweni, bathi babengakhankaseli uMongameli webandla kanti lematerial yebandla beyifihla. Solwedlule ukhetho kuzekube namuhla abakaze benze umhlangano lowodwa."
Ukumiswa umsebenzi kwababili laba kulandela ukuxotshwa kukaMnu Petros Mukwena, yena obengumgcinisihlalo webandla eMatabeleland South.
Kodwa bakhona inyathelo leli besithi ibandla likhanya selixotsha yiloba ngubani ongaba engavumelani lenkokheli yalo.
Omunye wabalombono lo lilunga leMDC uAlderman Charles Mpofu. "Abantu laba ababhizi ngokuxotsha abanye bajonge ukudiliza ibandla. Okusimangalisayo yikuthi yena umkhokheli webandla uthuleleni kusenzeka umonakalo onje," kutsho uMpofu.
Abamiswe umsebenzi laba ngumgcinisihlalo wePumula District uNkosikazi Losiya Chamisa Ncube lomqoqi obona ngenhlelo zebandla uMnu Nqobizitha Moyo.
UMoyo loNkosikazi Ncube betheswa icala lokwala ukukhankasela uMnu Welshman Ncube kukhetho olwedluleyo kanye lokusebenzelana lamanye amabandla.
"Semukele izincwadi ezivela kumaWards ePumula ekhonona ngokuthi uMoyo loMaNcube kabaqhubi kuhle umsebenzi," kutsho isikhulumeli seMDC koBulawayo uMnu Edwin Ndlovu.
"Insolo zabo zisuka singakayi ekhethweni, bathi babengakhankaseli uMongameli webandla kanti lematerial yebandla beyifihla. Solwedlule ukhetho kuzekube namuhla abakaze benze umhlangano lowodwa."
Ukumiswa umsebenzi kwababili laba kulandela ukuxotshwa kukaMnu Petros Mukwena, yena obengumgcinisihlalo webandla eMatabeleland South.
Kodwa bakhona inyathelo leli besithi ibandla likhanya selixotsha yiloba ngubani ongaba engavumelani lenkokheli yalo.
Omunye wabalombono lo lilunga leMDC uAlderman Charles Mpofu. "Abantu laba ababhizi ngokuxotsha abanye bajonge ukudiliza ibandla. Okusimangalisayo yikuthi yena umkhokheli webandla uthuleleni kusenzeka umonakalo onje," kutsho uMpofu.