WASHINGTON DC —
Ibandla leMDC lithi icala lokubamba inkunzi eletheswa ummeli weBulilima West edale lephalamende uMnu Moses Mzila Ndlovu lulezombusazwe phakathi njalo yindlela yokumbixa ngodaka njengoba nje sokuyisikhathi sokhetho.
UMzila uzamiswa emthethwandaba wePlumtree ngeviki ezayo esetheswa icala lokukhombela amajaha amabili ngombobho lokuwathathela izinto zawo ezibiza amadollar edlula amakhulu amane, $427.00.
Amapholisa athi uMzila udale icala leli ngenyanga kaMabasa epulazini lakhe duzane lakoMbokodo emgwaqweni osuka koBulawayo usiya ePlumtree.
Kodwa iMDC ithi uMnu Mzila umise amajaha la ngoba ewathole epulazini lakhe njalo ewacabangela ukuthi engaba engamasela ayejonge ukutshontsha izifuyo zakhe.
Isikhulumeli salelinandla uMnu Nhlanhla Dube uthi akala kuthandabuza ukuthi umthethwandaba uzathola uMzila emsulwa ngoba kungelacala alidalileyo.
UDube wengeze wathi lombobho kaMzila lawo usemthethweni.
"Umthetho uvele uthi umuntu odlulayo endaweni yomunye, ngesilungu kuthiwa 'that person is a tresspaser,' ngalokhu umuntu oyabe engumnikazi waleyondawo, ulemvumo yokwenqabela ubusela kumbe lokuphazamiswa kwendawo yakhe," kutsho uDube.
UMzila yena uthe kenelisi ukukhuluma ngodaba lolu ngoba luphambi komthethwandaba.
UMzila uzamiswa emthethwandaba wePlumtree ngeviki ezayo esetheswa icala lokukhombela amajaha amabili ngombobho lokuwathathela izinto zawo ezibiza amadollar edlula amakhulu amane, $427.00.
Amapholisa athi uMzila udale icala leli ngenyanga kaMabasa epulazini lakhe duzane lakoMbokodo emgwaqweni osuka koBulawayo usiya ePlumtree.
Kodwa iMDC ithi uMnu Mzila umise amajaha la ngoba ewathole epulazini lakhe njalo ewacabangela ukuthi engaba engamasela ayejonge ukutshontsha izifuyo zakhe.
Isikhulumeli salelinandla uMnu Nhlanhla Dube uthi akala kuthandabuza ukuthi umthethwandaba uzathola uMzila emsulwa ngoba kungelacala alidalileyo.
UDube wengeze wathi lombobho kaMzila lawo usemthethweni.
"Umthetho uvele uthi umuntu odlulayo endaweni yomunye, ngesilungu kuthiwa 'that person is a tresspaser,' ngalokhu umuntu oyabe engumnikazi waleyondawo, ulemvumo yokwenqabela ubusela kumbe lokuphazamiswa kwendawo yakhe," kutsho uDube.
UMzila yena uthe kenelisi ukukhuluma ngodaba lolu ngoba luphambi komthethwandaba.