WASHINGTON DC —
Ibandla leMDC-T selisole indlela iZimbabwe Electoral Commission (ZEC) eqhube ngayo uhlelo lokuvota kwamapholisa lamasotsha, lisithi inengi alenelisanga ukuvota.
Ekhuluma lentathelizindaba eHarare ngoLwesibili, unobhala jikelele walelibandla uMnu Tendai Biti uthe ibandla lakhe selilobele ilikomishini incwadi likhonona ngaloludaba.
Wengeze wathi ukwehluleka kweZEC ukuqhuba ukhetho lwabezomvikela ngemfanelo kuveza sobala ukuthi ayisoze yenelise ukuqhuba ukhetho lwelizwe lonke kuhle mhlaka 31.
UBiti uthe iziphathamandla zebandla lakhe ebezimele zikhangele ngokuqhutshwa kokhetho lwamapholisa azenelisanga ukwenza lokhu ngoba zivinjiwe.
Bekukhangelelwe ukuthi kuvote abezomvikela abafika inkulungwane ezingamakhulu ayisithupha, 60.000 kukhetho lwangempelaviki njalo kukhetho lukamhlaka 31 kulakho ukuvota abantu phose izigidi eziyisithupha, 6 million ababhalisileyo.
Umsekeli wesikhulumeli seMDC-T uMnu Joel Gabuza utshele iStudio 7 ukuthi ibandla lakhe likhathazeke kakhulu ngokwehluleka kweZEC ukuqhuba umsebenzi wayo ngemfanelo.
"IZEC yakhuluma ukuthi amapholisa abezavota ebengena ku60,000, kodwa kuqalisa ukuvotwa ngeSonto iZEC yayisinike ama-balot papers akwana 6,000 kuphela, okutsho ukuthi labo abavotayo kabafiki laku10,000," kutsho uGabuza.
Ekhuluma lentathelizindaba eHarare ngoLwesibili, unobhala jikelele walelibandla uMnu Tendai Biti uthe ibandla lakhe selilobele ilikomishini incwadi likhonona ngaloludaba.
Wengeze wathi ukwehluleka kweZEC ukuqhuba ukhetho lwabezomvikela ngemfanelo kuveza sobala ukuthi ayisoze yenelise ukuqhuba ukhetho lwelizwe lonke kuhle mhlaka 31.
UBiti uthe iziphathamandla zebandla lakhe ebezimele zikhangele ngokuqhutshwa kokhetho lwamapholisa azenelisanga ukwenza lokhu ngoba zivinjiwe.
Bekukhangelelwe ukuthi kuvote abezomvikela abafika inkulungwane ezingamakhulu ayisithupha, 60.000 kukhetho lwangempelaviki njalo kukhetho lukamhlaka 31 kulakho ukuvota abantu phose izigidi eziyisithupha, 6 million ababhalisileyo.
Umsekeli wesikhulumeli seMDC-T uMnu Joel Gabuza utshele iStudio 7 ukuthi ibandla lakhe likhathazeke kakhulu ngokwehluleka kweZEC ukuqhuba umsebenzi wayo ngemfanelo.
"IZEC yakhuluma ukuthi amapholisa abezavota ebengena ku60,000, kodwa kuqalisa ukuvotwa ngeSonto iZEC yayisinike ama-balot papers akwana 6,000 kuphela, okutsho ukuthi labo abavotayo kabafiki laku10,000," kutsho uGabuza.