BULAWAYO —
Owayengukaputeni weqembu lenguqu ele Black Rhinos u Geoffrey Ndlovu uthi umdlalo kanobhutshuzwayo eZimbabwe awuthuthuki ngenxa yokungabi khona kwenhlelo zokufundisa abasakhulayo ukudlala ibhola.
UGeoffrey Ndlovu udlalele iqembu le Black Rhinos okweminyaka elitshumi kusukela ngomnyaka ka 1997 kwaze kwaba ngumnyaka ka 2007 njalo ubeyimvimbi ethenjiweyo kuleliqembu le butho.
Lumdlali uqale ukudlala umdlalo wenguqu emagcekeni elokitshini lase Luveve lasezikolo ezithi iMafakela Primary kanye le Luveve Secondary.
Kuthe ngesikhathi esenza imfundo yaphezulu waqala ukudlalela iqembu labasakhulayo elalisaziwa ngokuthi yi City Rovers elalingela khona njalo elokitshini lase Luveve.
UNdlovu uphathise iqembu le Olivine ukuba lingene kusigaba sika Division One ngomnyaka ka 1995 kodwa leliqembu alisenelisanga ukuhlala kulesosigaba ngoba ligunyulwe ekupheleni komnyaka laphindela kuDivision Two.
Yena kodwa akasabuyelanga ku Division Two ngoba wahle wathathwa liqembu le Kango lapho adlale khona labadlali abafana lo Tembo Chuma osengumqeqetshi wabonozinti beqembu le Highlanders.
Kuthe sekuphele isizini ka 1996 uNdlovu waphatheka kumdlalo wembheji owadlalelwa elokitshini lase Lobengula owadlalwa ngabadlali ababelodumo kulezonsuku ababalisa uRonald Gidiza Sibanda kanye lomuyi uBenjamin Nkonjera njalo indlela adlala ngayo yenza ukuba athathwe ngowayengumqeqetshi weqembu le Black Rhinos uRoy Barretto.
Kuqembu le Black Rhinos uNdlovu ufike wangena lula ngoba bekulabadlali abaphuma edolobheni lako Bulawayo abagoqela uSifiso Mnguni, uBhekinkosi Ndlovu, uCassius Siziba, uDarlington Phiri kanye lo Itai Masawi.
Lumdlali uqale ukudlala kuqembu le Black Rhinos lisasekusigaba sika Division One kodwa kuthe kuphela isizini ka 1997 eseliphathise ukuba liyedlala kusigaba saphezulu.
Udlale kuqembu le Rhinos waze waphiwa ubukhokheli beqembu leli edlala ndawonye labadlali abagoqela uGift Kamuriwo, uLazarus Muhoni uMernard Mupera kanye labanye.
Ngomnyaka ka 2004 ube yingxenye yeqembu le Rhinos eliphatheke kumncintiswano owokudinga intshantshu zezwekazi lase Africa owe Cup Winners Cup osusaziwa ngokuthi yi Caf Confederations Cup.
IRhinos ifinyelele kusigaba se Quarter final lapho eyakhutshwa khona liqembu le Raja Casablanca elase Morocco.
Ekutshiyeni kwakhe iqembu le Rhinos ngomnyaka ka 2007 uNdlovu udlalele iqembu le Great North Tigers elase Botswana okwesizini eyodwa wasephenduka ekhaya wahle watshiyana lokudlala umdlalo kanobhutshuzwayo.
UNdlovu uthi okumdanisayo yikuba umdlalo wenguqu kuleli uyala ulokhu usiya phansi okuyinto ebangelwa yikungabi khona kwenhlelo zokufundisa abasakhulayo ukudlala lumdlalo.
Nyakenye uNdlovu ubambane labanye abake badlala ibhola abadabuka elokitshini leLuveve babumba iqembu labasakhulayo elithiwa yiLuveve Juniors njalo leliqembu liqhuba kuhle emidlalweni yalo loba nje likhathazwa yikuswelakala kwemali.
UGeoffrey Ndlovu udlalele iqembu le Black Rhinos okweminyaka elitshumi kusukela ngomnyaka ka 1997 kwaze kwaba ngumnyaka ka 2007 njalo ubeyimvimbi ethenjiweyo kuleliqembu le butho.
Lumdlali uqale ukudlala umdlalo wenguqu emagcekeni elokitshini lase Luveve lasezikolo ezithi iMafakela Primary kanye le Luveve Secondary.
Kuthe ngesikhathi esenza imfundo yaphezulu waqala ukudlalela iqembu labasakhulayo elalisaziwa ngokuthi yi City Rovers elalingela khona njalo elokitshini lase Luveve.
UNdlovu uphathise iqembu le Olivine ukuba lingene kusigaba sika Division One ngomnyaka ka 1995 kodwa leliqembu alisenelisanga ukuhlala kulesosigaba ngoba ligunyulwe ekupheleni komnyaka laphindela kuDivision Two.
Yena kodwa akasabuyelanga ku Division Two ngoba wahle wathathwa liqembu le Kango lapho adlale khona labadlali abafana lo Tembo Chuma osengumqeqetshi wabonozinti beqembu le Highlanders.
Kuthe sekuphele isizini ka 1996 uNdlovu waphatheka kumdlalo wembheji owadlalelwa elokitshini lase Lobengula owadlalwa ngabadlali ababelodumo kulezonsuku ababalisa uRonald Gidiza Sibanda kanye lomuyi uBenjamin Nkonjera njalo indlela adlala ngayo yenza ukuba athathwe ngowayengumqeqetshi weqembu le Black Rhinos uRoy Barretto.
Kuqembu le Black Rhinos uNdlovu ufike wangena lula ngoba bekulabadlali abaphuma edolobheni lako Bulawayo abagoqela uSifiso Mnguni, uBhekinkosi Ndlovu, uCassius Siziba, uDarlington Phiri kanye lo Itai Masawi.
Lumdlali uqale ukudlala kuqembu le Black Rhinos lisasekusigaba sika Division One kodwa kuthe kuphela isizini ka 1997 eseliphathise ukuba liyedlala kusigaba saphezulu.
Udlale kuqembu le Rhinos waze waphiwa ubukhokheli beqembu leli edlala ndawonye labadlali abagoqela uGift Kamuriwo, uLazarus Muhoni uMernard Mupera kanye labanye.
Ngomnyaka ka 2004 ube yingxenye yeqembu le Rhinos eliphatheke kumncintiswano owokudinga intshantshu zezwekazi lase Africa owe Cup Winners Cup osusaziwa ngokuthi yi Caf Confederations Cup.
IRhinos ifinyelele kusigaba se Quarter final lapho eyakhutshwa khona liqembu le Raja Casablanca elase Morocco.
Ekutshiyeni kwakhe iqembu le Rhinos ngomnyaka ka 2007 uNdlovu udlalele iqembu le Great North Tigers elase Botswana okwesizini eyodwa wasephenduka ekhaya wahle watshiyana lokudlala umdlalo kanobhutshuzwayo.
UNdlovu uthi okumdanisayo yikuba umdlalo wenguqu kuleli uyala ulokhu usiya phansi okuyinto ebangelwa yikungabi khona kwenhlelo zokufundisa abasakhulayo ukudlala lumdlalo.
Nyakenye uNdlovu ubambane labanye abake badlala ibhola abadabuka elokitshini leLuveve babumba iqembu labasakhulayo elithiwa yiLuveve Juniors njalo leliqembu liqhuba kuhle emidlalweni yalo loba nje likhathazwa yikuswelakala kwemali.