Kweziphathalane lele Melika: UMongameli Joseph Biden usanda kuthola imali edlula kancane izigidi ezingamatshumi amahlanu zamadollar eMelika – US$53 million.
Eyinye yemali le uyithole esanda kwethula umbiko wakhe oqakathekileyo oweState of Union Address edale leCongress. Okwamanje ulemali edlula izigidi ezilikhulu lamatshumi amahlanu amadollar eMelika – US$155 yokukhankasela ukhetho lukamongameli oluzaqhutshwa ngoLwezi lonyaka. Owayengumongameli uMnu. Donald Trump ozamela ibandla lama Republicans kukhetho oluzayo kakavezi ukuba sebelemalini yokukhankasela ukhetho lolu. Iqakatheke kanganani imali kwezokhetho kwele Melika.
Ukuze sizwe okunengi ngodaba sixoxe loMnu. Sox Nyathi odabuka eZimbabwe ohlala eGeorgia othi imali iqakatheke kakhulu kwezokhetho kwele Melika ngoba kumele abancintisayo bethume abantu abakhulumisa abazavota njalo kube lemibiko eminengi kumabona kude lendawo zokuxhumana.
Forum