WASHINGTON DC —
Ugatsha olupha imisakazo yamaradio amalayisensi olweBroadcasting Authority of Zimbabwe luthi luzathathela imisakazo emibili ethi iZiFM leStar FM amalayisensi nxa ingehluleka ukufaka imitshina ezakwenza amagagasi ayo afinyelele ilizwe lonke jikelele.
Lolugatsha luthi imisakazo yomibili yavuma ukufaka imitshina yamatransmitters engamatshumi amabili lane, ngamunye phakathi kweminyaka emithathu kusukela ngelanga ithola amalayisensi.
Kodwa iBAZ ithi sokusele inyanga eziyisithupha kuphela ukuthi iminyaka emithathu ifike imisakazo le ilokhu ingakagcwalisi isivumelwano lesi.
Ithi umsakazo weZiFM sowafaka imitshina yamatransmitters elitshumi kuphela phakathi kwengamatshumi amabili lane, kuthi iStar FM yona seyafaka eyisitshiyagalolunye.
Imisakazo yomibili isakaza yamele kakhulu ekutholeni inzuzo, amacommercial radio stations.
Umsakazo weZiFM wasungulwa ngumsekeli kamphathintambo obona ngezokwethulwa kwemibiko uMnu Super Mandiwanzira kuthi iStar FM ngeyenkampani kahulumende iZimpapers.
Ingcwethi kwezokusakaza uMnu Zenzele Ndebele utshele iStudio 7 ukuthi imisakazo yomibili ayenelisi ukuthenga amatransmitters ngoba edula kakhulu.
Wengeze wathi imisakazo yeZBC sileminyaka edlula amatshumi amathathu isehluleka ukufinyelela indawo zonke zelizwe ngamagagasi ngoba uhulumende laye engelayo imali yokuthenga amatransmitters.
Lolugatsha luthi imisakazo yomibili yavuma ukufaka imitshina yamatransmitters engamatshumi amabili lane, ngamunye phakathi kweminyaka emithathu kusukela ngelanga ithola amalayisensi.
Kodwa iBAZ ithi sokusele inyanga eziyisithupha kuphela ukuthi iminyaka emithathu ifike imisakazo le ilokhu ingakagcwalisi isivumelwano lesi.
Ithi umsakazo weZiFM sowafaka imitshina yamatransmitters elitshumi kuphela phakathi kwengamatshumi amabili lane, kuthi iStar FM yona seyafaka eyisitshiyagalolunye.
Imisakazo yomibili isakaza yamele kakhulu ekutholeni inzuzo, amacommercial radio stations.
Umsakazo weZiFM wasungulwa ngumsekeli kamphathintambo obona ngezokwethulwa kwemibiko uMnu Super Mandiwanzira kuthi iStar FM ngeyenkampani kahulumende iZimpapers.
Ingcwethi kwezokusakaza uMnu Zenzele Ndebele utshele iStudio 7 ukuthi imisakazo yomibili ayenelisi ukuthenga amatransmitters ngoba edula kakhulu.
Wengeze wathi imisakazo yeZBC sileminyaka edlula amatshumi amathathu isehluleka ukufinyelela indawo zonke zelizwe ngamagagasi ngoba uhulumende laye engelayo imali yokuthenga amatransmitters.