Ikhansili yedolobho lakoBulawayo yethule isaziso sokukhuthaza izakhamizi zedolobho leli, ukuba zisebenzise amanzi ngonanzelelo olukhulu ngoba isilinganiso sawo emadamu siqhubekela phambili sisehla okwethusayo njengoba izulu lokhu lingani kuhle.
Isikhulumi sekhansili yedolobho lakoBulawayo, uNkosikazi Nesisa Mpofu uchasisa ngabakwenzayo okwamanje emizameni yokulungisisa udubo lwamanzi.
UNkosikazi Mpofu uqhubekele phambili echasisa ngesilinganiso samanzi asemadamu akoBulawayo.
Kusenjalo abenhlanganiso yeMatabeleland Zambezi Water Project bathi ukwakhiwa kwedamu leGwayi Shangani kuyaqhubeka kuhle lobanje kuke kwaba lezikhubeko ezithile kulumsebenzi.
UMgcinisihlalo weBoard yeMZWP, uMnu Richard Ndlovu uchasisa ngokusebenza kwabo.
Elinye ilunga leboard yeMZWP, uNkosikazi Angeline Masuku uthi ukwakhiwa kwedamu leGwayi-Shangani kuzaletha ubuhle ehlubulweni weMaNdebeleni.
Uhulumende weZimbabwe emanyene lekhansili yedolobho lakoBulawayo, bemanyene labo hlelo lweMZWP baphakathi kokuzama ukutholisa idolobho lakoBulawayo amanzi lobanje ukwakhiwa kwedamu leGwayi-Shangani sekuthethe iminyaka ethile lingakapheli ukwakhiwa okwenza udubo lokusilela kwamanzi edolobheni leli luqhubeke luyinsinda baphendule.
