WASHINGTON DC —
Izakhamizi zamadolobho amancane afana lePlumtree sezikhuthaza omanisipala balawo madolobho ukuthi baveze ukuthi iziphathamandla zawo zihola malini.
Lokhu kuza ngemva kokuba kuvele ukuthi umabhalane weGwanda uhola imali edlula ekamabhalane wedolobho lakoBulawayo.
Idolobho leGwanda lincane kakhulu kuledolobho lakoBulawayo.
Iphephandaba leSouthern Eye lithi umabhalane weGwanda uMnu Gilbert Mlilo uhola imali engangenkulungwane phose ezilitshumi lasikhombisa-$16, 923 ngenyanga, okuliholo eliphethwe phose kabili kulelikamabhalane wakoBulawayo uMnu Middleton Nyoni yena ohola inkulunwane ezedlula kancane ezithoba munwe munye-$9 439.
Lokhu kucunule kakhulu izakhamizi zeGwanda njalo izakhamizi zePlumtree zithi lazo sezifuna umanisipala wazo aveze iholo lezisebenzi zakhe.
Ukhansila weGwanda uMnu Jaston Mazhale utshele iStudio 7 ukuthi bazahlangana njengabokhansila behlaziya loludaba.
Lokhu kuza ngemva kokuba kuvele ukuthi umabhalane weGwanda uhola imali edlula ekamabhalane wedolobho lakoBulawayo.
Idolobho leGwanda lincane kakhulu kuledolobho lakoBulawayo.
Iphephandaba leSouthern Eye lithi umabhalane weGwanda uMnu Gilbert Mlilo uhola imali engangenkulungwane phose ezilitshumi lasikhombisa-$16, 923 ngenyanga, okuliholo eliphethwe phose kabili kulelikamabhalane wakoBulawayo uMnu Middleton Nyoni yena ohola inkulunwane ezedlula kancane ezithoba munwe munye-$9 439.
Lokhu kucunule kakhulu izakhamizi zeGwanda njalo izakhamizi zePlumtree zithi lazo sezifuna umanisipala wazo aveze iholo lezisebenzi zakhe.
Ukhansila weGwanda uMnu Jaston Mazhale utshele iStudio 7 ukuthi bazahlangana njengabokhansila behlaziya loludaba.