WASHINGTON DC —
Izisebenzi zikahulumende sezicele ukuhlangana lomphathintambo wezisebenzi, uMnu. Nicholas Goche kulandela imbiko ethi kazisoze zithole iholo elingezelelweyo.
Inhlanganiso zezisebenzi zikahulumende zitshele iStudio 7 ukuthi umhlangano lo ozakwenziwa ngoLwesibili uzaphatha udaba lweholo kunye lolwenkampani eziphathisayo ngempilakahle, iPSMAS ebiholisa iziphathamandla zayo imali enengi okwesabekayo.
Uhulumende ngenyanga edluleyo uvumelane lezisebenzi zakhe ukuthi uzakhweza iholo kusukela kumadola angamakhulu amathathu isiya kwengamakhulu amahlanu ngenyanga. Limali ibifanele ukwengezelelwa kusukela yonalinyanga.
Limali ibikhangelelwe ukwengezelwa ngesilinganiso esiqala ngenyanga ka Zibandlale. Abanye abakubitho bathole incwadi zeholo, ama pay slip ngoMvulo kodwa kawatshengisi ukukhwezwa kweholo lokhu.
Izisebenzi zikahulumende ziqale ukukhathazeka ngeviki edluleyo kulandela imbiko ebithunyelwa abantu kubomakhalekhukwini, iwhatsapp. Limbiko ethi ivela kuhulumende ibisithi ilizwe kalilamali ngenxa yezijeziso zenotho, ama sanctions yikho izisebenzi zingasoze zithole iholo ngitsho lelingenzelelwanga
UMnu. Goche walile ukukhuluma le Studio 7 phezu kwaloludaba.
Kodwa umqondisi wenhlanganiso ye Zimbabwe Teachers’ Association, uMnu. Sifiso Ndlovu utshele i Studio 7 ukuthi nxa bengatholanga iholo elengezelelweyo uhulumende uyabe esephule isivumelwano sakhe.
Inhlanganiso zezisebenzi zikahulumende zitshele iStudio 7 ukuthi umhlangano lo ozakwenziwa ngoLwesibili uzaphatha udaba lweholo kunye lolwenkampani eziphathisayo ngempilakahle, iPSMAS ebiholisa iziphathamandla zayo imali enengi okwesabekayo.
Uhulumende ngenyanga edluleyo uvumelane lezisebenzi zakhe ukuthi uzakhweza iholo kusukela kumadola angamakhulu amathathu isiya kwengamakhulu amahlanu ngenyanga. Limali ibifanele ukwengezelelwa kusukela yonalinyanga.
Limali ibikhangelelwe ukwengezelwa ngesilinganiso esiqala ngenyanga ka Zibandlale. Abanye abakubitho bathole incwadi zeholo, ama pay slip ngoMvulo kodwa kawatshengisi ukukhwezwa kweholo lokhu.
Izisebenzi zikahulumende ziqale ukukhathazeka ngeviki edluleyo kulandela imbiko ebithunyelwa abantu kubomakhalekhukwini, iwhatsapp. Limbiko ethi ivela kuhulumende ibisithi ilizwe kalilamali ngenxa yezijeziso zenotho, ama sanctions yikho izisebenzi zingasoze zithole iholo ngitsho lelingenzelelwanga
UMnu. Goche walile ukukhuluma le Studio 7 phezu kwaloludaba.
Kodwa umqondisi wenhlanganiso ye Zimbabwe Teachers’ Association, uMnu. Sifiso Ndlovu utshele i Studio 7 ukuthi nxa bengatholanga iholo elengezelelweyo uhulumende uyabe esephule isivumelwano sakhe.
