JOHANNESBURG —
Kuhlandla lethu lokucina lwendaba ezikhangela ukuqakatheka kobulembu be Internet empilweni yezizalwane zeZimbabwe ezikwele South Africa, UBenedict Nhlapho ukhangela ingozi lezinto ezimbi okufanele umuntu aziqaphele nxa esebenzisa inhlelo ezifana labo facebook, whatsapp lezinye ezisebulenjini be internet.
Kumalanga amane edluleyo sivezelwe okunengi yizizalwane zeZimbabwe ezisitshele ngokuqakatheka kwenhlelo zeFacebook empilweni yazo.
Lobanje besithi kulezi inhlelo bathola izixwayiso zempilo, baxhumane lezihlobo labangane, bexwayisane ngezemitshado lempilo, baphinde njalo baxoxe ngentuthuko yendawo abavela kizo, abanye bathi zikhona ingozi ongahlangana lazo kulezi inhlelo.
Kwele South Africa ngoMabasa lonyaka umnumnzana Thabo Bester ugwetshelwe ukuhlala ejele okweminyaka engamatshumi amathathu ngemva kokufunyanwa elamacala okweba, ukubulala kanye lokudlwengula esebenzisa i Facebook. UMabaso wayebhala kuFacebook ukuthi usiza abantombazana afuna umsebenzi wokumodela. Wayexhumana laboke, abase emahoteleni lapho abefika ababophe izandla, amehlo lomnomo, abadlwengule, atshontshe into zonke abaziphetheyo kwathi omunye watshiya embulele.
Lezizalwane zeZimbabwe lazo ziyavuma ukuthi lobanje lezi inhlelo zibasiza empilweni, kufanele umuntu aqaphele ukuthi ukhuluma lobani njalo engaqali ukuhlangana labantu abazela kufacebook nje kuphela ngoba abanye babo bangaba yingozi.
Unkosazana Khethiwe Khumalo odabuka koZimnyama ePlumtree uthi lobanje esebenzisa ifacebook lewatsup nsukuzonke, akakhohlwa ukuhlala eqaphe labo abayingozi labo abasebenzisa lezi inhlelo.
Uthi kakusikho konke okuthunyelwa ngabantu kulezi inhlelo okufanele ukukholwe.
Unkosazana Christina Tshuma odabuka eTsholotsho yena uthi i facebook uyizonda okokucina. Uthi okungamphathi kuhle ngalezi inhlelo yikuthi ozisuthele umxhanxa wakhe laye uzabona esebhalile, ongelabuthongo laye uzwe esebika, kanti lothenge imota laye uzabona ngesithombe, okuyizinto athi ziyamcunula. Ngaphandle kokucunuka uthi lezinhlelo zilengozi.
Umnumnzana Gibson Ndethi laye odabuka eTsholotsho ngomunye wababumbe amaqembu kufacebook ngenjongo yokuthi abeZimbabwe laba badibane bexoxa ngokutshiyeneyo empilweni. Uthi lasemaqenjinila ziyatholakala izigangi kodwa bahle bazikhuphe kulamaqembu nxa seziqala ukugila imikhuba.
Unkosazana Christine Tshuma uthi ungaqali ukwemukela wonke umuntu ofuna ukuba ngumngane wakho kufacebook loba i watsup, besekusasa selingabahlangana endaweni ethile lisiya kwenza lokhu lalokhuya. Uthi lokho kungakufaka engozini ikakhulu abantwana abasasebancane labantu besifazana.
Esinye isizalwane seZimbabwe umnumnzana Mthetheleli Mlilo, uthi ngena kubo facebook uvule amehlo njalo usazi ukuthi ungahlangana lemvu emsulwa kumbe isilwane esilambe okwamagama.
Kusobalake ukuthi ifacebook, iwats up lezinye inhlelo zebulenjini be internet zidlala indima enkulu ekuhlomiseni izizalwane zeZimbabwe ezikwele South Africa ngakho konke abakudinga empilweni. Kodwa ngakolunye uhlangothi zikhona izigilamkhuba okufanele uziqaphele nxa usebenzisa lezi inhlelo.
Kumalanga amane edluleyo sivezelwe okunengi yizizalwane zeZimbabwe ezisitshele ngokuqakatheka kwenhlelo zeFacebook empilweni yazo.
Lobanje besithi kulezi inhlelo bathola izixwayiso zempilo, baxhumane lezihlobo labangane, bexwayisane ngezemitshado lempilo, baphinde njalo baxoxe ngentuthuko yendawo abavela kizo, abanye bathi zikhona ingozi ongahlangana lazo kulezi inhlelo.
Kwele South Africa ngoMabasa lonyaka umnumnzana Thabo Bester ugwetshelwe ukuhlala ejele okweminyaka engamatshumi amathathu ngemva kokufunyanwa elamacala okweba, ukubulala kanye lokudlwengula esebenzisa i Facebook. UMabaso wayebhala kuFacebook ukuthi usiza abantombazana afuna umsebenzi wokumodela. Wayexhumana laboke, abase emahoteleni lapho abefika ababophe izandla, amehlo lomnomo, abadlwengule, atshontshe into zonke abaziphetheyo kwathi omunye watshiya embulele.
Lezizalwane zeZimbabwe lazo ziyavuma ukuthi lobanje lezi inhlelo zibasiza empilweni, kufanele umuntu aqaphele ukuthi ukhuluma lobani njalo engaqali ukuhlangana labantu abazela kufacebook nje kuphela ngoba abanye babo bangaba yingozi.
Unkosazana Khethiwe Khumalo odabuka koZimnyama ePlumtree uthi lobanje esebenzisa ifacebook lewatsup nsukuzonke, akakhohlwa ukuhlala eqaphe labo abayingozi labo abasebenzisa lezi inhlelo.
Uthi kakusikho konke okuthunyelwa ngabantu kulezi inhlelo okufanele ukukholwe.
Unkosazana Christina Tshuma odabuka eTsholotsho yena uthi i facebook uyizonda okokucina. Uthi okungamphathi kuhle ngalezi inhlelo yikuthi ozisuthele umxhanxa wakhe laye uzabona esebhalile, ongelabuthongo laye uzwe esebika, kanti lothenge imota laye uzabona ngesithombe, okuyizinto athi ziyamcunula. Ngaphandle kokucunuka uthi lezinhlelo zilengozi.
Umnumnzana Gibson Ndethi laye odabuka eTsholotsho ngomunye wababumbe amaqembu kufacebook ngenjongo yokuthi abeZimbabwe laba badibane bexoxa ngokutshiyeneyo empilweni. Uthi lasemaqenjinila ziyatholakala izigangi kodwa bahle bazikhuphe kulamaqembu nxa seziqala ukugila imikhuba.
Unkosazana Christine Tshuma uthi ungaqali ukwemukela wonke umuntu ofuna ukuba ngumngane wakho kufacebook loba i watsup, besekusasa selingabahlangana endaweni ethile lisiya kwenza lokhu lalokhuya. Uthi lokho kungakufaka engozini ikakhulu abantwana abasasebancane labantu besifazana.
Esinye isizalwane seZimbabwe umnumnzana Mthetheleli Mlilo, uthi ngena kubo facebook uvule amehlo njalo usazi ukuthi ungahlangana lemvu emsulwa kumbe isilwane esilambe okwamagama.
Kusobalake ukuthi ifacebook, iwats up lezinye inhlelo zebulenjini be internet zidlala indima enkulu ekuhlomiseni izizalwane zeZimbabwe ezikwele South Africa ngakho konke abakudinga empilweni. Kodwa ngakolunye uhlangothi zikhona izigilamkhuba okufanele uziqaphele nxa usebenzisa lezi inhlelo.
