BULAWAYO —
Iqembu le Highlanders selizadlala umdlalo wokuzwana amandla leqembu le FC Platinum ngeNsonto ngemva kokudluliselwa phambili komdlalo we Bob90 Super Cup obekumele ubekhona kulimpelaviki.
Iqembu le Bosso bekumele lidibane lele Dynamos ku final yenkezo yeBob90 Super Cup ngeNsonto kodwa lumdlalo udluliselwe phambili ngezizatho ezingacaciyo yikho ke iHighlanders isizadlala le FC Platinum emdlalweni wobungane.
Ekhuluma lentathelizindaba okhulumela abaqoqa umncintiswano we Bob90 Super Cup uCharles Mabika uthe umdlalo phakathi kwe Bosso le DeMbare usuzakuba khona ensukwini ezilandelayo.
Kulemibiko ethi umncintiswano walonyaka wenkezo ye Bob90 Super Cup uqoqwe kungela mvumo evela kubandla le Zanu PF elikhokhelwa nguMongameli uRobert Mugabe onguye limidlalo ebunjwe kuthiwa ihlonipha ilanga lake lokuzalwa.
Lokhu kuza ngemva kokuba nyakenye kube lenkulungwane eziyithoba munwe munye zamadola asemelika ezanyamalalela ezandleni zalabo abaqoqa limidlalo.
Nyakenye njalo kube lengxabangxoza enkundleni yeBarbourfields ngemva kokuba abatsha benhlanganiso yeZanu PF beyale ukupha ikhansili yako Bulawayo ingxenye yemali eyabhadalwa yizibukeli zingena enkundleni.
Iqembu leHighlanders lithenge abadlali abatsha lonyaka abagoqela abambalwa abadlalela iqembu lesizwe njalo laba ngabagoqela uCharles Sibanda, uFelix Chindungwe kanye lo Kuda Mahachi ndawonye labadlali abagoqela uWelcome Ndiweni kanye lo Joel Ngodzo abakade bedlalela iqembu le FC Platinum.
Iqembu le FC Platinum lalo lithenge abadlali njalo laba ngabagoqela uNjabulo Ncube obedlalela iBosso nyakenye kanye labathi uTarisai Rukanda obedlalela iShabanie Mine kanye lo Walter Musona.
Sikhangele umdlalo kakhilikithi:
Iqembu labaleminyaka engaphansi kwetshumi lathobamnunwe munye elimela ilizwe emdlalweni kakhilikithi selikhangelele kumncintiswano we Plate kumidlalo ye zizwe zomhlaba oqhutshelwa elizweni le United Arab Emirates.
Iqembu le Zimbabwe lehluleke ukufinyelela kusigaba se Super League ngemva kokuphutsha imidlalo yezibaya likundawo yesithathu kusibaya sika Group C.
Kusasa ke iZimbabwe izadibana leqembu le Namibia ku quarter final ye Plate Championship njalo inganqoba izadlala leqembu elizanqoba phakathi kwe Afghanistan le Canada.
Iqembu le Bosso bekumele lidibane lele Dynamos ku final yenkezo yeBob90 Super Cup ngeNsonto kodwa lumdlalo udluliselwe phambili ngezizatho ezingacaciyo yikho ke iHighlanders isizadlala le FC Platinum emdlalweni wobungane.
Ekhuluma lentathelizindaba okhulumela abaqoqa umncintiswano we Bob90 Super Cup uCharles Mabika uthe umdlalo phakathi kwe Bosso le DeMbare usuzakuba khona ensukwini ezilandelayo.
Kulemibiko ethi umncintiswano walonyaka wenkezo ye Bob90 Super Cup uqoqwe kungela mvumo evela kubandla le Zanu PF elikhokhelwa nguMongameli uRobert Mugabe onguye limidlalo ebunjwe kuthiwa ihlonipha ilanga lake lokuzalwa.
Lokhu kuza ngemva kokuba nyakenye kube lenkulungwane eziyithoba munwe munye zamadola asemelika ezanyamalalela ezandleni zalabo abaqoqa limidlalo.
Nyakenye njalo kube lengxabangxoza enkundleni yeBarbourfields ngemva kokuba abatsha benhlanganiso yeZanu PF beyale ukupha ikhansili yako Bulawayo ingxenye yemali eyabhadalwa yizibukeli zingena enkundleni.
Iqembu leHighlanders lithenge abadlali abatsha lonyaka abagoqela abambalwa abadlalela iqembu lesizwe njalo laba ngabagoqela uCharles Sibanda, uFelix Chindungwe kanye lo Kuda Mahachi ndawonye labadlali abagoqela uWelcome Ndiweni kanye lo Joel Ngodzo abakade bedlalela iqembu le FC Platinum.
Iqembu le FC Platinum lalo lithenge abadlali njalo laba ngabagoqela uNjabulo Ncube obedlalela iBosso nyakenye kanye labathi uTarisai Rukanda obedlalela iShabanie Mine kanye lo Walter Musona.
Sikhangele umdlalo kakhilikithi:
Iqembu labaleminyaka engaphansi kwetshumi lathobamnunwe munye elimela ilizwe emdlalweni kakhilikithi selikhangelele kumncintiswano we Plate kumidlalo ye zizwe zomhlaba oqhutshelwa elizweni le United Arab Emirates.
Iqembu le Zimbabwe lehluleke ukufinyelela kusigaba se Super League ngemva kokuphutsha imidlalo yezibaya likundawo yesithathu kusibaya sika Group C.
Kusasa ke iZimbabwe izadibana leqembu le Namibia ku quarter final ye Plate Championship njalo inganqoba izadlala leqembu elizanqoba phakathi kwe Afghanistan le Canada.