BULAWAYO —
Iqembu le Highlanders selibuyele phezu kwengalane yemiklomelo ngemva kokunqoba elikwenze ele Triangle emdlalweni obusenkundleni ye Barbourfields koBulawayo ngoLwesibili emini.
Iqembu le Highlanders libe yi Bosso ngenkani okweqiniso ngoLwesithathu ngemva kokunqoba kwalo iqembu le Triangle ngendlela etshiye umqeqetshi weqembu lezivakatshi uGishon Ntini esidla amahabula.
IHighlanders ihlohle ngesikhathi iqembu le Triangle selisele lilabadlali abangenelanga ngemva kokuba ababili abathi u Limited Chikafa kanye lo nozinti uBrighton Chipula sebetshengiswe ikhasi elibomvu kuthi omunye umdlali waleliqembu imvimbi uChastern Ngodonga elimale wehluleka ukuqhubekela phambili ngomdlalo.
UNtini uthe esekhuluma lentatheli ekupheleni komdlalo wathi iqembu lakhe lidliswe ngunompembe uBekezela Makeka.
UNtini laye akaqedanga lumdlalo ehlezi ebhentshini ngemva kokuba exotshwe ngunompembe uMakeka.
Iqembu le Highlanders selilemiklomelo engamatshumi amahlanu lanye kuthi ngemva kwalo kule Dynamos kanye le Harare City zona ezilemiklomelo engamatshumi amahlanu.
IDynamos ibe ngutshiki lobhanqa 1ka 1 leqembu le Shabanie Mine kuthi iHarare City yona ibe ngutshiki lobhanqa zero ka zero le Motor Action.
Kweminye imidlalo ebikhona namhlanje iqembu le Chicken Inn libhule ele Tripple B nge 4 ka 1, kuthi I Caps United idliwe yi Black Rhinos nge 3 ka 2, iqembu le FC Platinum linqobe ele Black Mambas nge 3 ka 1 kuthi I Hwange itshaye iBuffaloes nge 2 ka nya.
Iqembu le Highlanders libe yi Bosso ngenkani okweqiniso ngoLwesithathu ngemva kokunqoba kwalo iqembu le Triangle ngendlela etshiye umqeqetshi weqembu lezivakatshi uGishon Ntini esidla amahabula.
IHighlanders ihlohle ngesikhathi iqembu le Triangle selisele lilabadlali abangenelanga ngemva kokuba ababili abathi u Limited Chikafa kanye lo nozinti uBrighton Chipula sebetshengiswe ikhasi elibomvu kuthi omunye umdlali waleliqembu imvimbi uChastern Ngodonga elimale wehluleka ukuqhubekela phambili ngomdlalo.
UNtini uthe esekhuluma lentatheli ekupheleni komdlalo wathi iqembu lakhe lidliswe ngunompembe uBekezela Makeka.
UNtini laye akaqedanga lumdlalo ehlezi ebhentshini ngemva kokuba exotshwe ngunompembe uMakeka.
Iqembu le Highlanders selilemiklomelo engamatshumi amahlanu lanye kuthi ngemva kwalo kule Dynamos kanye le Harare City zona ezilemiklomelo engamatshumi amahlanu.
IDynamos ibe ngutshiki lobhanqa 1ka 1 leqembu le Shabanie Mine kuthi iHarare City yona ibe ngutshiki lobhanqa zero ka zero le Motor Action.
Kweminye imidlalo ebikhona namhlanje iqembu le Chicken Inn libhule ele Tripple B nge 4 ka 1, kuthi I Caps United idliwe yi Black Rhinos nge 3 ka 2, iqembu le FC Platinum linqobe ele Black Mambas nge 3 ka 1 kuthi I Hwange itshaye iBuffaloes nge 2 ka nya.