Umahluli womthethwandaba waphezulu owe High Court usulahlele khatshana udaba lokuzama ukubamba ngamandla ugatsha lukaMsitheli ukuthi lunikeze uhlangothi lwezokhetho olwe Zimbabwe Electoral Commission imisebenzi efana lokubhalisa abantu kugwalo lwamagama abalelungelo lokuvota, iVoter’s Roll.
Umahluli uRita Makarau, esethula isinqumo sakhe phansi kwesisekelo sombuso esitsha, uvumelane loMnu. Dabengwa kodwa wathi angavumelani lakho yikuthi uDabengwa athi iZEC iyala ukuthatha limisebenzi esithi kumele idale lephalamende liqale lethule umthetho ozavumela iZEC ukuthi ithathe imisebenzi le.
Uluhlu lwabalelungelo lokuvota iVoter's Roll luhlala kuludaba oludala inkulumo sikhathi sonke lapho sokusenziwa ukhetho.
Isikhulumeli sebandla le MDC elikhokhelwa nguMnu. Welshman Ncube, uMnu. Nhlanhla Dube utshele iStudio Seven ukuthi kumele ugatsha luka Msitheli lwekele ukwenza lumsebenzi ngoba luvele luthwele nzima ngeminye imsisebenzi efana lokupha abantu amapassport lama birth certificate leminye imisebenzi eminengi nengi .
