IHamas ithi uKfir Bibas, usane olulenyanga ezilitshumi owathunjwa kwele Israel ngoMfumfu lonyaka, umnewabo oleminyaka emine lonina babulawa ngamabhomba aphoswa ngele Israel eGaza.
Abezindaba abeReuters bathi lokhu kwethulwe yi-Al Qassam Brigades ethi bakhona njalo abanye abathunjwayo ababulawa ngamabhomba ayephoselwa eGaza ngele Israel eselibhidlize izakhiwo ezinengi.
IHamas yethule umbiko lo ngoLwesithathu ngosuku lokuphetha isivumelwano somumisa kancane impi ephakathi kwayo lele Israel.
Okwamanje amazwe agoqela eleQatar, Egypt lele Melika akhulumisana lamacele alwisanayo ukwenzela ukuba kubekwe phansi izikhali kukhululwe abavalelwe entilongweni kwele Israel labathunjwa yiHamas.
Kubikwa ukuba sekubulelwe abantu abafika phose inkulungwane ezilitshumi lanhlanu 14,900 eGaza labedlula inkulungwane – 1,200 kwele Israel.
IHamas leIsrael sebekhulule abanye abathunjwayo labavalelwe entilongweni eTel Aviv. Amacele la alakho ukukhumisana umlotha na? Ukuze sizwe okunengi ngodaba lolu, sixoxe loMfundisi Raymond Motsi ongumlalankunzi othi kumele iHamas leIsrael bekhumisane umlotha.
Forum