Imidlalo yomcintiswano wenguqu wamazwe womhlaba wenkezo ye 2014 World Cup, uqhubeke ngoLwesihlanu ngemva kokuhlaba ikhefu ngoLwesine. Emdlalweni wakuqala wangoLwesihlanu iqembu lakwele Germany linqobe ele France nge 1-0.
Lokhu sokusitsho ukuba iGermany isiphumelele ukuqhubeka isiya kuma semi-finals alumcintiswano walonyaka. Amaqembu asesele ukudlala eyawo imidlalo yama quarterfinals abalisa iBrazil osokumele idlale leColombia kuzokuba leNetherlands, Costa Rica, Argentina leBelgium asemelele ukudlala ngayonale impelaviki asazi ukuthi kuyozala nkomoni.
IStudio 7 ixoxe lengcwethi kwezemidlalo yenguqu uMuziwethu Hadebe ochasisa okunengi ngemidlalo yenkezo ye2014 World Cup esaqhubeka kwele Brazil, kanye leminye imidlalo ezadlalwa ekhaya kuyonale impelaviki.
