WASHINGTON DC —
Amankampani agoqela eyeEconet Wireless, iMbada Diamonds lamanye asebumbe umanyano ozasebenza logatsha lwezemvelo emizameni yokulwisana lokuzingelwa kwenyamazana ngaphandle komthetho ikakhulu eHwange National Park.
Amankampani la azise ngoMvulo ukuthi azancedisa ugatsha lweNational Parks and Wildlife Authority ngezinto ezitshiyeneyo ezigoqela izimota lemitshiya yokukhulumisana ezasetshenziswa yizisebenzi zalolugatsha.
Lokhu kulandela ukubulawa kwendlovu ezedlula amatshumi ayisitshiyagalombili ngokufakelwa itshefu lapho ezinatha khona.
Uhulumende uthi ulakho ukuthumela amasotsha ehwange ukuyalwisana labazingeli laba.
Ummeli weHwange West edale lephalamende uMnu Gift Mabhena utshele lumsakazo ukuthi abantu beHwange bayayamukela imizamo yokulwisana lokuzingelwa kwenyamazana ngaphandle komthetho.
"Esikukhangeleleyo kathesi yokuthi uhulumende akhiphe yonke itshefu emanzini anathwa zinyamazana ukwenqabela ukufa kwenyamazana ezinengi," kutsho uMnu Mabhena.
Amankampani la azise ngoMvulo ukuthi azancedisa ugatsha lweNational Parks and Wildlife Authority ngezinto ezitshiyeneyo ezigoqela izimota lemitshiya yokukhulumisana ezasetshenziswa yizisebenzi zalolugatsha.
Lokhu kulandela ukubulawa kwendlovu ezedlula amatshumi ayisitshiyagalombili ngokufakelwa itshefu lapho ezinatha khona.
Uhulumende uthi ulakho ukuthumela amasotsha ehwange ukuyalwisana labazingeli laba.
Ummeli weHwange West edale lephalamende uMnu Gift Mabhena utshele lumsakazo ukuthi abantu beHwange bayayamukela imizamo yokulwisana lokuzingelwa kwenyamazana ngaphandle komthetho.
"Esikukhangeleleyo kathesi yokuthi uhulumende akhiphe yonke itshefu emanzini anathwa zinyamazana ukwenqabela ukufa kwenyamazana ezinengi," kutsho uMnu Mabhena.