WASHINGTON DC —
Impumela yemidlalo eyesigaba ese Premier Soccer League edlalwe ngoLwesithathu emini imi kanje:
Iqembu le Hwange libhuqe iqembu elihlezi phezu kwengalane yemiklomelo ele Dynamos nge 4 ka 2 emdlalweni obusenkundleni ye Colliery. Limpumela idale ukuba isikhala ebesikhona phakathi kwe Dynamos le Highlanders yona ehlezi kusibanga sesibili sivaleke sibe ngumklomelo owodwa kuphela.
I Dynamos ilemiklomelo engamatshumi amane lanye ngemva kokudlala imidlalo engamatshumi amabili lambili kuthi i Highlanders ilemiklomelo engamatshumi amane layo idlale imidlalo elingene laleyo edlalwe yi Dynamos.
I Highlanders inqobe I FC Platinum nge 2 ka 1 emdlalweni obusemagumeni koBulawayo. Umgadli we Bosso uNjabulo Ncube nguye othole imiklomelo yomibili ye Highlanders kuthi uMitchelle Katsvairo nguye ohlohlele i Platinum owokukhipha inhloni.
Kweminye imidlalo ebikhona ngoLwesithathu iqembu le Harare City libe ngutshiki lobhanqa 1 ka 1 lele Shabanie Mine emdlalweni obuse Rufaro kwaba ngesifanayo emdlalweni obuphakathi kwe Buffaloes le How Mine lawo ophele kuyi 1 ka 1 lase mdlalweni obuphakathi kwe Caps United le Triangle obusenkundleni ye National Sports Stadium eHarare.
Umdlalo obuphakathi kwe Motor Action le Chicken Inn uphele lawa maqembu engutshiki lobhanqa 0 ka 0.
Iqembu le Hwange libhuqe iqembu elihlezi phezu kwengalane yemiklomelo ele Dynamos nge 4 ka 2 emdlalweni obusenkundleni ye Colliery. Limpumela idale ukuba isikhala ebesikhona phakathi kwe Dynamos le Highlanders yona ehlezi kusibanga sesibili sivaleke sibe ngumklomelo owodwa kuphela.
I Dynamos ilemiklomelo engamatshumi amane lanye ngemva kokudlala imidlalo engamatshumi amabili lambili kuthi i Highlanders ilemiklomelo engamatshumi amane layo idlale imidlalo elingene laleyo edlalwe yi Dynamos.
I Highlanders inqobe I FC Platinum nge 2 ka 1 emdlalweni obusemagumeni koBulawayo. Umgadli we Bosso uNjabulo Ncube nguye othole imiklomelo yomibili ye Highlanders kuthi uMitchelle Katsvairo nguye ohlohlele i Platinum owokukhipha inhloni.
Kweminye imidlalo ebikhona ngoLwesithathu iqembu le Harare City libe ngutshiki lobhanqa 1 ka 1 lele Shabanie Mine emdlalweni obuse Rufaro kwaba ngesifanayo emdlalweni obuphakathi kwe Buffaloes le How Mine lawo ophele kuyi 1 ka 1 lase mdlalweni obuphakathi kwe Caps United le Triangle obusenkundleni ye National Sports Stadium eHarare.
Umdlalo obuphakathi kwe Motor Action le Chicken Inn uphele lawa maqembu engutshiki lobhanqa 0 ka 0.