BULAWAYO —
Amaqembu enguqu athi ele Highlanders, How Mine, Harare City kanye le Caps United yiwo asephumelele ukuyadlala kuhlandla lama semi final enkezo ye Mbada Diamonds Cup ngemva kwemidlalo ebikhona ngempelaviki edluleyo.
Emidlalweni edlalwe ngelanga langomgqibelo iqembu le Harare City linqobe ele Hwange nge 2 ka nya emdlalweni obusenkundleni yeDulibadzimu esedolobheni le Beitbridge kuthi emdlalweni obusenkundleni ye Ascot esedolobheni le Gweru iqembu le Caps United litshaye ele Chicken Inn nge 2 ka 1.
NgenSonto iqembu le How Mine lenze obekungakhangelelwanga ngabanengi lapho litshaya iqembu elinqobe kumncintiswano emibili eyadlulayo eyenkezo ye Mdaba ele Dynamos nge 1 ka nya emdlalweni obusenkundleni yeRufaro eHarare.
Iqembu le Highlanders lona libhuqe ele Buffaloes nge 3 ka nya emdlalweni obusenkundleni ye Mucheke esedolobheni le Masvingo.
Indlela iqembu le Bosso elidlale ngayo ijabulise kakhulu abalandeli bayo njalo owayengumgcinisihlalo waleliqembu ngensuku liyingqwele engathandabuzwayo emdlalweni kanobhutshuzwayo ngeminyaka eyadlulayo uErnerst Maphepha Sibanda uthe ekhuluma ekupheleni kwalumdlalo wathi insuku ezimnandi seziseduzane kuqembu le Highlanders.
Uhlelo lokuxega lawamaqembu amane angene kusigaba esilandelayo ese semi final lukhangelelwe ukuqhutshwa ngolwesihlanu kuyonale iviki.
Emidlalweni edlalwe ngelanga langomgqibelo iqembu le Harare City linqobe ele Hwange nge 2 ka nya emdlalweni obusenkundleni yeDulibadzimu esedolobheni le Beitbridge kuthi emdlalweni obusenkundleni ye Ascot esedolobheni le Gweru iqembu le Caps United litshaye ele Chicken Inn nge 2 ka 1.
NgenSonto iqembu le How Mine lenze obekungakhangelelwanga ngabanengi lapho litshaya iqembu elinqobe kumncintiswano emibili eyadlulayo eyenkezo ye Mdaba ele Dynamos nge 1 ka nya emdlalweni obusenkundleni yeRufaro eHarare.
Iqembu le Highlanders lona libhuqe ele Buffaloes nge 3 ka nya emdlalweni obusenkundleni ye Mucheke esedolobheni le Masvingo.
Indlela iqembu le Bosso elidlale ngayo ijabulise kakhulu abalandeli bayo njalo owayengumgcinisihlalo waleliqembu ngensuku liyingqwele engathandabuzwayo emdlalweni kanobhutshuzwayo ngeminyaka eyadlulayo uErnerst Maphepha Sibanda uthe ekhuluma ekupheleni kwalumdlalo wathi insuku ezimnandi seziseduzane kuqembu le Highlanders.
Uhlelo lokuxega lawamaqembu amane angene kusigaba esilandelayo ese semi final lukhangelelwe ukuqhutshwa ngolwesihlanu kuyonale iviki.