BULAWAYO —
Iqembu lenguqu ele Dynamos yilo eselihlezi phezu kwengalane yemiklomelo esigabeni se Premier Soccer League ngemva kokunqoba elikwenze iHarare City nge 3 ka 1 ngoLwesithathu emini.
UBoban Zirintusa, uRussell Madamombe kanye lo Clive Kawinga yibo abahlohle betholisa i-DeMbare imiklomelo njalo limpumela idale ukuba iDynamos ikhuphule inani layo lemiklomelo liye kumatshumi phose amane-38.
Limiklomelo ilingene leyeqembu leHarare City kodwa iDeMbare ihlezi esiqongweni ngoba ihlohle kanengi.
Endaweni yesithathu engalaneni kuhlezi iqembu leHighlanders lona elinqobe ele Monomotapa nge 2 ka nya eMagumeni. Abahlohlele iBosso ngu Bruce Kangwa kanye lo Gabriel Nyoni. IHighlanders ilemiklomelo engamatshumi amathathu lesikhombisa (37).
Ngaphansi kwe Highlanders kule FC Platinum yona elemiklomelo engamatshumi amathathu lantathu (33) ngemva kokunqoba iqembu le Hwange nge 1 ka nya eMalahleni.
Kweminye imidlalo ebikhona ngoLwesithathu iBlack Rhinos inqobe iShabanie Mine nge 2 ka nya emdlalweni obuse Rimuka, iBuffaloes inqobe iChicken Inn nge 1 ka nya eSakubva kuthi iTriangle itshaye iMotor Action nge 1 ka nya eMotor Action Sports Club.
Emidlalweni ekhona ngoLwesine iHow Mine izangqikilana le Black Mambas eLuveve kuthi iCaps United izadlala le Tripple B ngase National Sports Stadium.
Sikhangele umdlalo kakhilikithi;
Iqembu le Zimbabwe selikhokhela ele Pakistan nga ma runs angamatshumi amathathu lambili ngemva kokugqitshwa kosuku lwesibili olomdlalo we Test oqhutshelwa esigodlweni iHarare.
IPakistan ibuthelele ama Runs angu 249 ku Innings yayo yakuqala kwathi iZimbabwe isiphendula yabuthelela ama Runs ayi 281 njalo ilakho ukungezelela kulelonani njengoba umdlalo uqhubeka.
Kusenjalo kulemibiko ethi umdlalo wesibili phakathi kwalawamazwe owohlobo lweTest awusena kudlalelwa edolobheni lako Bulawayo njengalokho obekuhleliwe kodwa usuzadlalelwa khona eHarare kuyindlela yokuphungula indleko.
UBoban Zirintusa, uRussell Madamombe kanye lo Clive Kawinga yibo abahlohle betholisa i-DeMbare imiklomelo njalo limpumela idale ukuba iDynamos ikhuphule inani layo lemiklomelo liye kumatshumi phose amane-38.
Limiklomelo ilingene leyeqembu leHarare City kodwa iDeMbare ihlezi esiqongweni ngoba ihlohle kanengi.
Endaweni yesithathu engalaneni kuhlezi iqembu leHighlanders lona elinqobe ele Monomotapa nge 2 ka nya eMagumeni. Abahlohlele iBosso ngu Bruce Kangwa kanye lo Gabriel Nyoni. IHighlanders ilemiklomelo engamatshumi amathathu lesikhombisa (37).
Ngaphansi kwe Highlanders kule FC Platinum yona elemiklomelo engamatshumi amathathu lantathu (33) ngemva kokunqoba iqembu le Hwange nge 1 ka nya eMalahleni.
Kweminye imidlalo ebikhona ngoLwesithathu iBlack Rhinos inqobe iShabanie Mine nge 2 ka nya emdlalweni obuse Rimuka, iBuffaloes inqobe iChicken Inn nge 1 ka nya eSakubva kuthi iTriangle itshaye iMotor Action nge 1 ka nya eMotor Action Sports Club.
Emidlalweni ekhona ngoLwesine iHow Mine izangqikilana le Black Mambas eLuveve kuthi iCaps United izadlala le Tripple B ngase National Sports Stadium.
Sikhangele umdlalo kakhilikithi;
Iqembu le Zimbabwe selikhokhela ele Pakistan nga ma runs angamatshumi amathathu lambili ngemva kokugqitshwa kosuku lwesibili olomdlalo we Test oqhutshelwa esigodlweni iHarare.
IPakistan ibuthelele ama Runs angu 249 ku Innings yayo yakuqala kwathi iZimbabwe isiphendula yabuthelela ama Runs ayi 281 njalo ilakho ukungezelela kulelonani njengoba umdlalo uqhubeka.
Kusenjalo kulemibiko ethi umdlalo wesibili phakathi kwalawamazwe owohlobo lweTest awusena kudlalelwa edolobheni lako Bulawayo njengalokho obekuhleliwe kodwa usuzadlalelwa khona eHarare kuyindlela yokuphungula indleko.