Izakhamizi zeGwanda zithi iduma lonyaka iKhisimusi ngenxa yesomiso esikhulu eZimbabwe.
Abanye abantu edolobheni leli bebezisebenzela njenganhlalayenza ngoLwesithathu besithi babhekane lenhlupho ezingapheliyo. Batshele iStudio 7 ukuthi kabalamali yokuthenga ezifela emlonyeni lokunye okudliwa ngosuku lolu.
UMnu. Thndeko Zinti Mnkandla oyisakhamuzi seGwanda uthi usuku lweKhisimusi luhlezi lukhangelelwe ngabanengi ngoba luhlanganisa abantu ngendlela ezitshiyeneyo kodwa eyalonyaka iKhisimusi yimbhoza.
Ugcizelele esithi iKhisimusi yakulez’insuku ayisajabulisi njengayizolo ngenxa yomnotho obhidlikileyo.
Lamazwi agcizelelwe nguMnu. Elliot Sibindi esinye isakhamuzi seGwanda othi kubelokusilela kwempahla ezitolo ezibalisa isinkwa.
UNkosikazi Thabitha Moyo laye uthi ilanga leKhisimusi lonyaka beliduma.
Umfundisi Useni Sibanda, umqondisi wenhlanganiso yeChristian Alliance of Zimbabwe, uthi abantu bengalahli ithemba loba bebhekane lobunzima.
Abadabuka eZimbabwe abahlala kwamanye amazwe, abagoqela abahlala kweleSouth Africa abaziwa ngokuthi zinjiva, labo baphenduke ekhaya ngobunengi babo lonyaka loba bedonsa inzima lapho abasebenza khona.
Forum