WASHINGTON DC —
Idale elithetha indaba zesisekelo sombuso eleConstitutional Court linqume ngoLwesibili ukuthi ukhetho olusanda kwedlula luqhutshwe ngemfanelo kungela kudlelezela.
Kusinqumo esethulwe ngumahluli uGodfrey Chidyausiku, lelidale lithe ukhetho luqhutshwe ngendlela esuthisayo njalo kulandelwa umthetho.
Umkhokheli weMDC uMnu Morgan Tsvangirai nguye obephikisa impumela yokhetho esithi kwaba lokuqilibezela.
Kodwa ngaphambilini kokuhluzwa kwaloludaba, uTsvangirai uphange wathi ubengaselasifiso sokuthi luqhubekele phambili ngokuthethwa loludaba.
Uthethe inyathelo leli esithi ukwehluleka kweElectoral Court ukubamba ikomishini yezokhetho ngamandla ukuthi imuphe amaphepha okhetho kwakuzabangela ukuthi ehluleke ukuveza ubufakazi obaneleyo emthethwandaba ngokudlelezela athi kwaba khona.
Idale leElectoral Court lalo lethule isinqumo salo ngoLwesibili phezu kwaloludaba.
Umahluli uChinembiri Bhunu walile ukubamba iZimbabwe Electoral Commission (ZEC) ngamandla ukuthi iphe uTsvangirai amaphepha ekade ewafuna.
UBhunu uphinde wakhuthaza ukuthoniswa kwamagqwetha kaTsvangirai esithi eyise umthethwandaba emaphepheni aze lawo phambi kwenkundla. UMugabe uzafungiswa ukuqalisa umsebenzi ngoLwesine.
Ukuhlaziya udaba lolu sixhume ingcwethi kwezombusazwe uMnu Busani Ncube osebenzela inhlanganiso yeBulawayo Agenda.
UNcube uthe akumangalisi ukuthi idale leConstitutional Court lithethe sokuthu uMugabe wanqoba okusegcekeni kungelakuqilibezela.
"Lizakhumbula ukuthi umthethwandaba lo usetshenziswe kakhulu ngaphambilini kokhetho, njalo lizakhumbula ukuthi yiwo owathi kuyiwe kukhetho lanxa nje bekusanengi obekumele kulungisiswe kuqala," kutsho uNcube.
Kusinqumo esethulwe ngumahluli uGodfrey Chidyausiku, lelidale lithe ukhetho luqhutshwe ngendlela esuthisayo njalo kulandelwa umthetho.
Umkhokheli weMDC uMnu Morgan Tsvangirai nguye obephikisa impumela yokhetho esithi kwaba lokuqilibezela.
Kodwa ngaphambilini kokuhluzwa kwaloludaba, uTsvangirai uphange wathi ubengaselasifiso sokuthi luqhubekele phambili ngokuthethwa loludaba.
Uthethe inyathelo leli esithi ukwehluleka kweElectoral Court ukubamba ikomishini yezokhetho ngamandla ukuthi imuphe amaphepha okhetho kwakuzabangela ukuthi ehluleke ukuveza ubufakazi obaneleyo emthethwandaba ngokudlelezela athi kwaba khona.
Idale leElectoral Court lalo lethule isinqumo salo ngoLwesibili phezu kwaloludaba.
Umahluli uChinembiri Bhunu walile ukubamba iZimbabwe Electoral Commission (ZEC) ngamandla ukuthi iphe uTsvangirai amaphepha ekade ewafuna.
UBhunu uphinde wakhuthaza ukuthoniswa kwamagqwetha kaTsvangirai esithi eyise umthethwandaba emaphepheni aze lawo phambi kwenkundla. UMugabe uzafungiswa ukuqalisa umsebenzi ngoLwesine.
Ukuhlaziya udaba lolu sixhume ingcwethi kwezombusazwe uMnu Busani Ncube osebenzela inhlanganiso yeBulawayo Agenda.
UNcube uthe akumangalisi ukuthi idale leConstitutional Court lithethe sokuthu uMugabe wanqoba okusegcekeni kungelakuqilibezela.
"Lizakhumbula ukuthi umthethwandaba lo usetshenziswe kakhulu ngaphambilini kokhetho, njalo lizakhumbula ukuthi yiwo owathi kuyiwe kukhetho lanxa nje bekusanengi obekumele kulungisiswe kuqala," kutsho uNcube.