Idale leMozambique Constitutional Court lithi ibandla leFrelimo yilo elanqoba kukhetho olwaqhutshwa ngoMfumfu lonyaka lapho elalimelwe nguMnu. Daniel Chapo kukhetho lukamongameli.
Idale leli lehliswe inani lamavoti eFrelimo eyanqoba ngayo ngokuyisilinganiso sokuhlanu ekhulwini – 5%.
Abaphikisayo abakhokhelwa nguMnu. Venancio Mondlane, abakhonona ngempumela yokhetho lolu lusanda kuqhutshwa, bathi bazaxoxisana ngokwethulwe yiConstitutional Court.
Amapholisa labanye abezomvikela babulala abalandeli baka Mondlane abalikhulu lamatshumi amathathu – 130, abatshengisela emigwaqweni bekhonona ngempumela yokhetho lolu.
Kusenjalo, abadabuka eZimbabwe abasebenza kulelolizwe labatshayeli bezimota ezinkulu bathi kuyaxokozela elizweni leli okulabaphikisayo abavale imigwaqo.
Ukuze sizwe okunengi ngodaba lolu, sixoxe loMnu. Forget Mpofu, odabuka eZimbabwe otshayela izimota ezinkulu owehluleka okwamanje ukusuka eMaputo esiye kweleSouth Africa lapho alayitsha khona impahla etshiyeneyo.
Forum