HARARE —
Idale laphezulu lesisekelo sombuso ele Constitutional Court selethule isinqumo sokuba ukhetho luqubekele phambili lwenziwe mhlaka 31 Ntulikazi lonyaka njengokwazisa kukaMongameli Robert Mugabe ngaphambilini.
Idale lesisekelo sombuso ele Constitutional Court eliyilo eliphezulu ukwedlula amanye amadale wonke elizweni lithethe lesi sinqumo kulandela isicelo samagqwetha atshiyeneyo sokuba ilanga lokhetho lidluliselwe phambili.
Omahluli bonke baleli dale abathobamunwemunye bavumelene kungela ophikisayo ukuba lolukhetho lwenziwe zimhlaka 31 yonale inyanga kaNtulikazi.
Igqwetha elingene limele uMugabe uMnumzana Terrence Hussein lithi liyajabula ngokuthola imphumela enje:
Esethula lesi sinqumo u Chief Justice Godfrey Chidyausiku uthe idale lizazisa kwelakusasa imbangela yokuba liphume lesinqumo esinje.
Igqwetha elingene limele inhloko kahulumende enguye njalo umkhokheli welinye lamacele eMDC, uMnumzana Morgan Tsvangirai u Advocate Luice Uriri uthi idale seliphume lesinqumo elibona sifanele nomanje bezame ukuphikisa okuthize kiso okuphambana lesisekelo sombuso:
Kanti njalo uAdvocate Thabani Mpofu yena ongene emele usikwicamfundo Welshman Ncube ethi noma limpumela idanisa kumele abantu bayamukele ethi sezamelela ukuzwa kulabo abamelayo ukuba ethini ngalimpumela:
U Advocate Uriri ucasisele idale ukuba uMugabe wephula umthetho ngokwazisa ngelanga lokhetho esebenzisa amandla akhe engakhulumisamanga labanye abakuhulumende womanyano kanti uHussein yena ethi umongameli wasebenzisa lawa mandla ngokusemthethweni.
Inhlanganiso yomanyano we SADC emhlanganweni wayo eMaputo kwele Mozambique ngenyanga edluleyo ikhuthaze ukuba uhulumende avele phambi kwaleli dale acele ukwengezelelwa insuku ukuze okuthize kuqale kulungisiswe okugoqela indlela inhlanganiso zezindaba ezisebenza ngayo le Code of Conduct yamabandla ezombusazwe andubana lolukhetho lwenziwe.
Ongene kudale emela umphathintambo wezemithetho uMnumzana Fred Gijima uhlekise idale ngokuthi lesi sicelo usenza nje ngoba enzwe okokufuqwa yinhlanganiso ye Sadc engenani lakho. Uthe konke okwenziwe nguMongameli Mugabe ukusebenzisa amandla akhe kusemthethweni njalo engaboni okubi ngakho okwenza ukuba idale limbuze ukuba manje ubedingani phambi kwalo.
Isinqumo sedale sokuthi ukhetho lwenziwe mhlaka 31 Ntulikazi sitsho ukuba ukhetho soluzakwenziwa kungela nguquko ekusebenzeni kwabethulwa izindaba kanye labakubutho okukade kudingwa ngamacele womabili awe mdc akuhulumende womanyano.
Kunjalo nje uMugabe ukhangelelwe ukusungula uhlelo lwebandla lakhe leZanu PF lokukhankasela lolu khetho emhlanganweni ozakwenzelwa enkundleni ye Zimbabwe Grounds emzini weHighfields ngoLwesihlanu.
Ngakwelinye icele uTsvangirai laye ukhangelelwe ukusungula uhlelo lwebandla lakhe leMDC-T lokunkakhasela ukhetho enkundleni ye Rudhaka eMarondera ngeSonto.
Idale lesisekelo sombuso ele Constitutional Court eliyilo eliphezulu ukwedlula amanye amadale wonke elizweni lithethe lesi sinqumo kulandela isicelo samagqwetha atshiyeneyo sokuba ilanga lokhetho lidluliselwe phambili.
Omahluli bonke baleli dale abathobamunwemunye bavumelene kungela ophikisayo ukuba lolukhetho lwenziwe zimhlaka 31 yonale inyanga kaNtulikazi.
Igqwetha elingene limele uMugabe uMnumzana Terrence Hussein lithi liyajabula ngokuthola imphumela enje:
Esethula lesi sinqumo u Chief Justice Godfrey Chidyausiku uthe idale lizazisa kwelakusasa imbangela yokuba liphume lesinqumo esinje.
Igqwetha elingene limele inhloko kahulumende enguye njalo umkhokheli welinye lamacele eMDC, uMnumzana Morgan Tsvangirai u Advocate Luice Uriri uthi idale seliphume lesinqumo elibona sifanele nomanje bezame ukuphikisa okuthize kiso okuphambana lesisekelo sombuso:
Kanti njalo uAdvocate Thabani Mpofu yena ongene emele usikwicamfundo Welshman Ncube ethi noma limpumela idanisa kumele abantu bayamukele ethi sezamelela ukuzwa kulabo abamelayo ukuba ethini ngalimpumela:
U Advocate Uriri ucasisele idale ukuba uMugabe wephula umthetho ngokwazisa ngelanga lokhetho esebenzisa amandla akhe engakhulumisamanga labanye abakuhulumende womanyano kanti uHussein yena ethi umongameli wasebenzisa lawa mandla ngokusemthethweni.
Inhlanganiso yomanyano we SADC emhlanganweni wayo eMaputo kwele Mozambique ngenyanga edluleyo ikhuthaze ukuba uhulumende avele phambi kwaleli dale acele ukwengezelelwa insuku ukuze okuthize kuqale kulungisiswe okugoqela indlela inhlanganiso zezindaba ezisebenza ngayo le Code of Conduct yamabandla ezombusazwe andubana lolukhetho lwenziwe.
Ongene kudale emela umphathintambo wezemithetho uMnumzana Fred Gijima uhlekise idale ngokuthi lesi sicelo usenza nje ngoba enzwe okokufuqwa yinhlanganiso ye Sadc engenani lakho. Uthe konke okwenziwe nguMongameli Mugabe ukusebenzisa amandla akhe kusemthethweni njalo engaboni okubi ngakho okwenza ukuba idale limbuze ukuba manje ubedingani phambi kwalo.
Isinqumo sedale sokuthi ukhetho lwenziwe mhlaka 31 Ntulikazi sitsho ukuba ukhetho soluzakwenziwa kungela nguquko ekusebenzeni kwabethulwa izindaba kanye labakubutho okukade kudingwa ngamacele womabili awe mdc akuhulumende womanyano.
Kunjalo nje uMugabe ukhangelelwe ukusungula uhlelo lwebandla lakhe leZanu PF lokukhankasela lolu khetho emhlanganweni ozakwenzelwa enkundleni ye Zimbabwe Grounds emzini weHighfields ngoLwesihlanu.
Ngakwelinye icele uTsvangirai laye ukhangelelwe ukusungula uhlelo lwebandla lakhe leMDC-T lokunkakhasela ukhetho enkundleni ye Rudhaka eMarondera ngeSonto.