WASHINGTON —
Umthethwandaba waphezulu ukhulule ilunga le Mthwakazi Liberation Front uMnu. John Gazi ngoLwesine kucala abeletheswa elokuzama ukugenqula umbuso kamongameli Robert Mugabe.
Esethula lesisinqumo, umahluli uJustice Nicholas Ndou uphinde wakhupha incwadi ye Warrant of Arrest eyokuthi elinye ilunga lalinhlanganiso uMnu. Paul Siwela owetheswa icala elifanayo abotshwe ngamapholisa engabonakala ngoba engasabuyi emthethwandaba ukuzokuzwa isinqumo sakhe njengemfanelo.
UJustice Ndou uthi ilunga lesithathu lalinhlanganiso uMnu. Charles Thomas Gumbo uzathonisiswa icala elifanayo kusukela ngoZibandlela.
Igqwetha elimela abathathu laba, uMnu. Robert Ndlovu utshele uSithandekile Mhlanga weStudio 7 ukuthi uzahlala phansi labanye bakhe becubungule lesisinqumo, andubana bebonisane ukuthi bathathe inyathelo bani.
Kusenjalo umthethwandaba kamantshi ngoLwesine unqume ukuthi icala eletheswa uMnu. Moses Mzila Ndlovu owayemela iBulilima West edale lephalamende njalo engumphathintambo kahulumende obona ngezokuxolelana, impahla yababili abathola epulazini lakhe elokuhlukuluza lokugqekeza lizathoniswa ngeviki ezayo.
Igqwetha elimmelayo uMnu. Matshobana Ncube utshele iStudio 7 ukuthi ulobele umthethwandaba lamuhla ukuthi uhlahlele loludaba khatshana ngoba kusobala ukuthi uMnu. Mzila-Ndlovu kadalanga icala.
Esethula lesisinqumo, umahluli uJustice Nicholas Ndou uphinde wakhupha incwadi ye Warrant of Arrest eyokuthi elinye ilunga lalinhlanganiso uMnu. Paul Siwela owetheswa icala elifanayo abotshwe ngamapholisa engabonakala ngoba engasabuyi emthethwandaba ukuzokuzwa isinqumo sakhe njengemfanelo.
UJustice Ndou uthi ilunga lesithathu lalinhlanganiso uMnu. Charles Thomas Gumbo uzathonisiswa icala elifanayo kusukela ngoZibandlela.
Igqwetha elimela abathathu laba, uMnu. Robert Ndlovu utshele uSithandekile Mhlanga weStudio 7 ukuthi uzahlala phansi labanye bakhe becubungule lesisinqumo, andubana bebonisane ukuthi bathathe inyathelo bani.
Kusenjalo umthethwandaba kamantshi ngoLwesine unqume ukuthi icala eletheswa uMnu. Moses Mzila Ndlovu owayemela iBulilima West edale lephalamende njalo engumphathintambo kahulumende obona ngezokuxolelana, impahla yababili abathola epulazini lakhe elokuhlukuluza lokugqekeza lizathoniswa ngeviki ezayo.
Igqwetha elimmelayo uMnu. Matshobana Ncube utshele iStudio 7 ukuthi ulobele umthethwandaba lamuhla ukuthi uhlahlele loludaba khatshana ngoba kusobala ukuthi uMnu. Mzila-Ndlovu kadalanga icala.