Ibutho lakweleIsrael lithi selithole izidumbu zamasotsha alo ezimbili kanye lesomunye wabantu abathunjwa liqembu leHamas lize lihlasele lelolizwe mhlaka 7 ngoMfumfu.
Ukulwisana phakathi kwamacele womabili kuyaqhubeka esihlengeni seGaza ngesikhathi eleMelika litshengisa ukukhathazeka phezu kokufa mahlayana kwabantu makhaza njalo lixwayisa eleIsrael ukuthi lihlasele amalw'ecatsha eHamas kuphela hatshi abantu abamsulwa.
Uhlangothi lwezempilakahle eGaza luthi abantu abafika phose inkulungwane ezingamatshumi amabili, 18,600, sebefele kulimpi, inengi kungabesifazane labantwana kulandela ukuhlasela kweHamas okwabulalisa abantu abayinkulungwane lamakhulu amabili njalo kwathunjwa abanye abangamakhulu amabili lamatshumi amane.
UMfundisi Chris Ndlovu owebandla leFamily of God utshele iStudio 7 ukuthi kumele amacele womabili akhulumisane ukuze kuvikelwe abantu abamsulwa.
Uthe njalo kubalulekile ukuthi amazwe alamandla afana leMelika akhuthaze ukukhumisana umlotha phakathi kweIsrael leHamas.
Forum