BULAWAYO —
Inhlanganiso yezakhamizi iBulawayo Progressive Residents Association-BPRA, iyalisola kakhulu inyathelo lekhansili yalelidobho yokuthatha impahla zezakhamizi ezilezikwelede ithengisa emkhambo we auction ukuze ithole imali yayo.
Isinqumo sokuthengisa impahla yezakhamizi besike samiswa nyakenye kulandela ukukhonona lokusola ukuthi izakhamizi azilayo imali yokubhadala kulandela ukungaqhubi kuhle kwenotho yelizwe kanye lokuphelelwa yimisebenzi ngenxa yokuvala kwamankampani.
Umqondisi walinhlanganiso uMnumzana Rodrick Fayayo uthi ikhansili itshengisa ukuthi ayikhathali ngenhlakahle kazulu ngoba inengi labantu abathathelwa impahla ngasebekhulile abangasenelisi ukuzisebenzela.
Isinqumo sekhansili lesi siza ngesikhathi umsebenzi wokuhlelwa kwemithelo yezakhamizi, iBilling System ingaqhutshwa ngemfanelo. Ukuthengiswa kwempahla lokhu kukhanya kuzaqhubeka ngoLwesihlanu lwaliviki kulandela ukuthengiswa kwezinye impahla ngoLwesihlanu lweviki edluleyo.
Izakhamizi ezibhekane lohlupho lokuthengiselwa impahla zilethuba lelanga elilodwa langoLwesine ukuyakhulumisana lokhansila wendawo ezikuyo loba ukuya kumanisiphala ngokwakhe ukuyakhalaza njengokucebisa komunye ukhansila waleli dholobho.
Isinqumo sokuthengisa impahla yezakhamizi besike samiswa nyakenye kulandela ukukhonona lokusola ukuthi izakhamizi azilayo imali yokubhadala kulandela ukungaqhubi kuhle kwenotho yelizwe kanye lokuphelelwa yimisebenzi ngenxa yokuvala kwamankampani.
Umqondisi walinhlanganiso uMnumzana Rodrick Fayayo uthi ikhansili itshengisa ukuthi ayikhathali ngenhlakahle kazulu ngoba inengi labantu abathathelwa impahla ngasebekhulile abangasenelisi ukuzisebenzela.
Isinqumo sekhansili lesi siza ngesikhathi umsebenzi wokuhlelwa kwemithelo yezakhamizi, iBilling System ingaqhutshwa ngemfanelo. Ukuthengiswa kwempahla lokhu kukhanya kuzaqhubeka ngoLwesihlanu lwaliviki kulandela ukuthengiswa kwezinye impahla ngoLwesihlanu lweviki edluleyo.
Izakhamizi ezibhekane lohlupho lokuthengiselwa impahla zilethuba lelanga elilodwa langoLwesine ukuyakhulumisana lokhansila wendawo ezikuyo loba ukuya kumanisiphala ngokwakhe ukuyakhalaza njengokucebisa komunye ukhansila waleli dholobho.
