BULAWAYO —
Ikhansili yakoBulawayo isikhuthazwe ukuthi iqakathekise ukwakhiwa kwezindlu, ukutholisa uzulu amanzi kanye lokubuthwa kwezibi kuluhlu lwayo lokusetshenziswa kwemali kuBudget yayo ka 2014 kugwalo olukhangelelwe ukwethulelwa izakhamizi ngoLwesihlanu.
IBudget le yenziwa ngesikhathi ikhansili ibhekane lodubo lokuswela imali kulandela ukwesulwa kwezikwelede zamanzi kanye lokungabhadali kuhle kukazulu osokwenze lezisebenzi zekhansili zaswela iholo.
Okwakhathesi ikhansili ithi ithola imali phose izigidi ezine - $3. 8 million ngenyanga ikanti kuqala ibithola izigidi eziphezu kweziyisithupha - $6.1 million.
Ikhansili yakoBulawayo seyayekela ukubutha izibi endaweni ezihlala abalutshwane ema eastern suburbs lakwezinye indawo ezihlala abanengi – emawestern suburbs ngenxa yokusilela kwemali.
Umqondisi wenhlanganiso yezakhamizi, iBulawayo Progressive residents Association, uMnumzana Rodrick Fayayo, uthi kuqakathekile ukuthi ikhansili ixoxisane kabanzi lezakhamizi ekuphumeni lebudget le ngoba kumele okhansila bazi ukuthi abantu bakuleli idolobho ngabantu ababhekane lendubo ezinjani ukuze kusasa kungabi lolunye uhlupho abantu bengasabhadali.
Isakhamuzi njalo ecubungula ezombusazwe, uMnumzana Siphatho Ncube, uthi kunengi izakhamizi ezikukhangelele kukhansili le ukuze indingeko zikazulu zigcwaliseke. Uthi udubo lwamanzi kumele lube yilo oluqakathekiswa ukwedlula zonke kanye lokubuthwa kwezibi ngoba lokhu kungenziwanga kulakho ukuthi kuqhamuke imikhuhlane.
Uqhubeke esithi udubo lwezindlu luyaluqhubeka njalo ngoba inkulungwane zabantu zikuluhlu lwabamelele izindlu – I waiting list okukhangelelwe ukuthi bathole izindlu okuzancedisa lalabo abadinga imisebenzi nxa kusakhiwa.
Ikhansili yakoBulawayo, phezu kwenhlelo okumele iziqhube kanye lokubhadala izisebenzi, ilezikwelede phose izigidi ezingamatshumi ayisitshiyagalombili zamadola - $78 million.
Lezizikwelede zigoqela inkampani yamandla kagetsi i-ZESA, eyepentsheni i-Local Authorities Pension Fund, umthelo wezisebenzi i-Pay As You Earn lezinye ezinenginengi.
Kusenjalo, ikhansili ye Harare ikhangelelwe ukuhlangana lezakhamizi kumalungiselelo odaba lwe budger yalelidolobho.
Ngakwelinye icele, inengi labantu lamukele ngokuthokoza ukucitshelwa izikwelede yinkampani yamafoni i-Tel One, esilandele okusanda ukwenziwa yinkampani ye ZESA eyesulele izakhamizi izikwelede zamagetsi, kanye lamakhansili emadolobheni eyesule ezamanzi.
UMnu. Masimba Kuchera, ingcwethi ecubungula umnotho welizwe utshele uSithandekile Mhlanga weStudio 7 ukuthi ukwesulelwa kwezikwelede akusoze kuvuselele umnotho welizwe ngoba sezivele seziqalisile ukuqonga kulabo abazicitshelwayo.
IBudget le yenziwa ngesikhathi ikhansili ibhekane lodubo lokuswela imali kulandela ukwesulwa kwezikwelede zamanzi kanye lokungabhadali kuhle kukazulu osokwenze lezisebenzi zekhansili zaswela iholo.
Okwakhathesi ikhansili ithi ithola imali phose izigidi ezine - $3. 8 million ngenyanga ikanti kuqala ibithola izigidi eziphezu kweziyisithupha - $6.1 million.
Ikhansili yakoBulawayo seyayekela ukubutha izibi endaweni ezihlala abalutshwane ema eastern suburbs lakwezinye indawo ezihlala abanengi – emawestern suburbs ngenxa yokusilela kwemali.
Umqondisi wenhlanganiso yezakhamizi, iBulawayo Progressive residents Association, uMnumzana Rodrick Fayayo, uthi kuqakathekile ukuthi ikhansili ixoxisane kabanzi lezakhamizi ekuphumeni lebudget le ngoba kumele okhansila bazi ukuthi abantu bakuleli idolobho ngabantu ababhekane lendubo ezinjani ukuze kusasa kungabi lolunye uhlupho abantu bengasabhadali.
Isakhamuzi njalo ecubungula ezombusazwe, uMnumzana Siphatho Ncube, uthi kunengi izakhamizi ezikukhangelele kukhansili le ukuze indingeko zikazulu zigcwaliseke. Uthi udubo lwamanzi kumele lube yilo oluqakathekiswa ukwedlula zonke kanye lokubuthwa kwezibi ngoba lokhu kungenziwanga kulakho ukuthi kuqhamuke imikhuhlane.
Uqhubeke esithi udubo lwezindlu luyaluqhubeka njalo ngoba inkulungwane zabantu zikuluhlu lwabamelele izindlu – I waiting list okukhangelelwe ukuthi bathole izindlu okuzancedisa lalabo abadinga imisebenzi nxa kusakhiwa.
Ikhansili yakoBulawayo, phezu kwenhlelo okumele iziqhube kanye lokubhadala izisebenzi, ilezikwelede phose izigidi ezingamatshumi ayisitshiyagalombili zamadola - $78 million.
Lezizikwelede zigoqela inkampani yamandla kagetsi i-ZESA, eyepentsheni i-Local Authorities Pension Fund, umthelo wezisebenzi i-Pay As You Earn lezinye ezinenginengi.
Kusenjalo, ikhansili ye Harare ikhangelelwe ukuhlangana lezakhamizi kumalungiselelo odaba lwe budger yalelidolobho.
Ngakwelinye icele, inengi labantu lamukele ngokuthokoza ukucitshelwa izikwelede yinkampani yamafoni i-Tel One, esilandele okusanda ukwenziwa yinkampani ye ZESA eyesulele izakhamizi izikwelede zamagetsi, kanye lamakhansili emadolobheni eyesule ezamanzi.
UMnu. Masimba Kuchera, ingcwethi ecubungula umnotho welizwe utshele uSithandekile Mhlanga weStudio 7 ukuthi ukwesulelwa kwezikwelede akusoze kuvuselele umnotho welizwe ngoba sezivele seziqalisile ukuqonga kulabo abazicitshelwayo.
