Ibandla le ZANU-PF libikwa lizaba lenkalakatha yedili lokuthakazalela ilanga lokuzalwa kuka Mongameli Robert Mugabe osanda kwenelise iminyaka engamatshumi ayisitshiyangalombili lesikhombisa.
Lokhu kwenzakala ngesikhathi abasakhulayo abanengi besehluleka ukubhadalela izifundo zabo emakolitshini.
Umkhosi welanga leli obizwa ngokuthi yi 21st February Movement uzakwenzelwa eHarare International Conference Center ngoMqgibelo.
Kuzabe kudliwa ezifela emlonyeni. Uzulu uthi ukunanza lelilanga akuncedi abasakhulayo abakhangelelwe ukuthi bathi gwaqa kulumbuthano ozasebenzisa imali enengi okwamagama.
Isikhulumeli sebandla le ZANU-PF uMnu. Rugare Gumbo uthi lumbuthano uzakwenziwa njenge nhlalayenza loba abantu bewusola.
