Sekuze kwenzakala. Kusukela ngomnyaka odluleyo bekulokhu kukhulunywa ngokusungulwa kwebandla elizathiwa Zimbabwe People First elizakhokhelwa nguNkosikazi Joice Mujuru owayengumsekeli kamongameli welizwe.
NgoLwesihlanu lelibandla libikiwe okusemthethweni kugatsha lwezokheho olwe Zimbabwe Electoral Commission ukuthi selizasungulwa.
UMujuru utshele iStudio Seven ukuthi ngasiphi sikhathi kuzakwenziwa umbuthano omkhulu wokuphawula lelibandla abanye abathi lilakho ukuthwalisanzima ibandla leZanu PF.
UMujuru waxotshwa nyakenye ngemva kokwetheswa amacala ambalwa agoqela elokuthi wayefuna ukuhluthna isikhundla sikamongameli Mugabe uNkosikazi wakhe, uGrace Mugabe wathi akulalanga elaphuma elinye lingakatshoni wathi kaxotshwe.
Ibandla leli belilomhlangano omkhulu edolobheni leChinhoyi. UChris Gande weStudio Seven uxoxe lesikhulumeli salelibandla, uMnu. Rugare Gumbo waqala ngokumbuza ukuthi liqiniso na ukuthi lelibandla selilotshisiwe okusemthethweni?
"Yah, liqiniso sa rejesta ngoLwesihlanu, " kutsho uGumbo. "Lizakhokhelwa nguNkosikazi Joice Mujuru."
UGumbo uthi kuzkuba lomhlangano omkhulu wokuphawula lelibandla kumaviki ambalwa alandelayo.
Wemgezelele esithi ibandla leli lizakwamukela abantu abavela kumabandla wonke aselizweni ngenjongo "yokukhulula" abantwana be Zimbabwe.
Ebuzwa ukuthi bengemukela na abafana lomsekeli kamongameli, uMnu. Emmerson Mnangagwa nxa engaxotshwa kubandla le Zanu PF, uGumbo uthi: "Sathi wonke umuntu, kodwa njengoba uintermi president wethu uMujuru ekhulumile ukuthi khona nxa efuna kuyamele eqalisele phansi kuma cell khonale kuma wards."
