WASHINGTON DC —
Ibandla leMDC-T selimise umsekeli kamgcinisikhwama walo uMnu Elton Mangoma ukuba lilunga andubana athonisiswe phezu kwamazwi akhe okuchothoza umkhokheli webandla uMnu Morgan Tsvangirai.
Isinqumo lesi sithethwe lidale leNational Council emhlanganweni eliwenzele eHarare ngoLwesihlanu.
Lelidale liphinde labumba ikomidi ezakhangelisisa udaba lukaMangoma limthonisise njalo liphume lesinqumo sokuthi axotxhwe kokuphela kubandla kumbe angaxotshwa.
UMangoma ufela ukuchothoza uTsvangirai esithi sokumele atshiye isikhundla ngoba seyehlulekile ukususa uMongameli Mugabe lebandla lakhe leZanu PF embusweni.
Isikhulumeli seMDC-T uMnu Douglas Mwonzora utshele intatheli ukuthi uMangoma ubesebenzisa imali yebandla okungekho emthethweni ebiza imihlangano ngudlu lamanye amalunga asola uTsvangirai.
Iziphathamandla zalelibandla esezixwayise uTsvangirai emphakathini ukuthi atshiye isikhundla sakhe ngemva kokunqotshwa kukhetho olwedluleyo zigoqela uMangoma loMnu Roy Bennett.
Unobhala jikelele webandla uMnu Tendai Biti laye ubikwa esekela imboko yababili laba lanxa nje engakaze aphumele egcekeni.
UMnu Biti yena utshele intathelizindaba ngoLwesihlanu ngemva kwesinqumo seNational Council ukuthi ukuxotshwa kukaMangoma akukho emthethweni.
Ezinye ingcwethi kwezombusazwe zithi amazwi kaBiti la aveza sobala ukuthi lelibandla lilakho ukudabuka phakathi yiloba nini.
Isinqumo lesi sithethwe lidale leNational Council emhlanganweni eliwenzele eHarare ngoLwesihlanu.
Lelidale liphinde labumba ikomidi ezakhangelisisa udaba lukaMangoma limthonisise njalo liphume lesinqumo sokuthi axotxhwe kokuphela kubandla kumbe angaxotshwa.
UMangoma ufela ukuchothoza uTsvangirai esithi sokumele atshiye isikhundla ngoba seyehlulekile ukususa uMongameli Mugabe lebandla lakhe leZanu PF embusweni.
Isikhulumeli seMDC-T uMnu Douglas Mwonzora utshele intatheli ukuthi uMangoma ubesebenzisa imali yebandla okungekho emthethweni ebiza imihlangano ngudlu lamanye amalunga asola uTsvangirai.
Iziphathamandla zalelibandla esezixwayise uTsvangirai emphakathini ukuthi atshiye isikhundla sakhe ngemva kokunqotshwa kukhetho olwedluleyo zigoqela uMangoma loMnu Roy Bennett.
Unobhala jikelele webandla uMnu Tendai Biti laye ubikwa esekela imboko yababili laba lanxa nje engakaze aphumele egcekeni.
UMnu Biti yena utshele intathelizindaba ngoLwesihlanu ngemva kwesinqumo seNational Council ukuthi ukuxotshwa kukaMangoma akukho emthethweni.
Ezinye ingcwethi kwezombusazwe zithi amazwi kaBiti la aveza sobala ukuthi lelibandla lilakho ukudabuka phakathi yiloba nini.