WASHINGTON DC —
Abantu abangaziwayo babikwa bengene emahofisini ebandla leMDC-T koBulawayo badweba amabala akhuthaza ukuba kumele kuguqulwe inkokheli yebandla phambilini komhlangano walelibandla ozakwenziwa kusasa eStanley Square eMakhokhoba. Lanxa kulokucabangela ukuthi abantu laba bengaba bengamalunga ebandla akubotshwanga muntu.
Umhlangano wangoMgqibelo wenziwa kulokufuthelana phakathi kwamalunga alelibandla kulandela imbiko kaMnu. Elton Mangoma, owayengumsekeli kamgciningcebo owathi uTsvangirai sekumele ayeziphumulela ngoba okokunqoba kukhetho sokwehlule.
Abanye abacatshangelwa ukuthi kabasamfuni uTsvangirai esikhundleni ngunobhala jikelele, uMnu. Tendai Biti. Akwaziwa ukuthi u Biti uzabe ekhona emhlanganweni wakusasa lo. Imizamo yokukhuluma laye yehlule.
Lokhu kwenzakala kulembiko ethi kulenkokheli yecele leMDC elikhokhelwa nguMnu. Welshman Ncube esezixexebuke zaya ku MDC-T. Umsakazo we SW Radio Africa izolo ubethe uMnu. Paul Themba Nyathi njengomunye walaba bantu, kodwa ulandule limbiko.
UChris Gande weStudio Seven uxoxe lomsekeli kanobhala obona ngokuqoqwa kwenhlelo zeMDC-T, uMnu. Abednico Bhebhe ukuze sizwe okunengi ngokuqoqwa komhlangano wakusasa.
Umhlangano wangoMgqibelo wenziwa kulokufuthelana phakathi kwamalunga alelibandla kulandela imbiko kaMnu. Elton Mangoma, owayengumsekeli kamgciningcebo owathi uTsvangirai sekumele ayeziphumulela ngoba okokunqoba kukhetho sokwehlule.
Abanye abacatshangelwa ukuthi kabasamfuni uTsvangirai esikhundleni ngunobhala jikelele, uMnu. Tendai Biti. Akwaziwa ukuthi u Biti uzabe ekhona emhlanganweni wakusasa lo. Imizamo yokukhuluma laye yehlule.
Lokhu kwenzakala kulembiko ethi kulenkokheli yecele leMDC elikhokhelwa nguMnu. Welshman Ncube esezixexebuke zaya ku MDC-T. Umsakazo we SW Radio Africa izolo ubethe uMnu. Paul Themba Nyathi njengomunye walaba bantu, kodwa ulandule limbiko.
UChris Gande weStudio Seven uxoxe lomsekeli kanobhala obona ngokuqoqwa kwenhlelo zeMDC-T, uMnu. Abednico Bhebhe ukuze sizwe okunengi ngokuqoqwa komhlangano wakusasa.