Bakhona abathi ibandla le Zanu PF libandla elenzele uzulu okunengi okufana lokuletha inkululeko, ukubapha umhlabathi, lamathuba okwenza okutshiyeneyo njalo likusimo esilenza lingavumi ukuba lingaba khona elinye ibandla kumbe abanye abantu abangabusa ilizwe ngaphandle kwalo lodwa.
Osakhulayo ohlala eHarare, uMnu. Terrence Chitapi, ophethe imisebenzi yezentuthuko ezimele uthi okumqoka osekwenziwe yilelibandla selokhu ilizwe lathola uzibuse ludaba lokunikeza uzulu umhlabathi:
UChitapi uthi kulodubo lokuba sikhangela kunje lamabandla aphikisayo afana le MDC awakenelisi ukukhomba obala angakwenzela isizwe kuloludaba lokwaba umhlabathi ngendlela engatshayelwa ihlombe yizizalwane ze Zimbabwe njengalokho okwenziwa libandla le Zanu PF.
Usikhwicamfundo Eldred Masunungure, ofundisa izifundo zombusazwe University ye Zimbabwe, uthi lelibandla lilokuthile okulenza libe kusimo sokuzibona lilelungelo lokubusa kuze kube naphakade:
Kodwa kuzikhathi esikuzo sokukhanya kulokuvuza lapha lalaphaya abanye besithi mhlawumbe kwengezelwa ngokungena kwezombusazwe kukamkamongameli uNkosikazi Grace Mugabe.
Kodwa osakhulayo ohlala koBulawayo, uMnu. Mehluli Dube, uthi kaboni udubo lukhonapho:
UMnu. Trust Nhubu, osebenzelana lenhlanganiso zabatsha, uthi lelibandla lasungulwa kakuhle laselilahleka osokukhathaza abantu abehluleka ukuziphandela.
UMnu. Ashley Tanyanyiwa, ungcome ibandla le Zanu PF, ethi abantu baphathiseka kakhulu ikakhulu kwezenfundo nanko laye eselesicoco se degree sikhuluma kanje phezu kwemizamo le.
Usikwicamfundo masunungure uthi noma kulenkinga lapha lalaphaya lelibandla lingahlupha ukuba lamukele ukwesulwa ngobalihilona elilolwazi lomsebenzi njengebandla okwesikhathi eside ngoba iZapu eyakuqala ingasekho :
Kodwa uMnu. Dube uthi ngomumo okhona kaboni ukuba kungenzakala kanjani ukuba lelibandla lale lilokhe libusa abatsha ikakhulu bedubeka kangaka:
Ibandla le Zanu PF libhekana lokungezwani okukhanya sokulidabule phakathi kwaba lamacele amabili athi iTeam Lacoste ecatshangelwa ukuba lisekela uMnu. Emmerson Mnangagwa, umsekeli kamongameli welizwe lecele elithiwa Generation 40 elikhanya lisekela uNkosikazi Grace Mugabe labanye abafana loMnu. Jonathan Moyo, umphathintambo wezemfundo yaphezulu lomsekeli kamongameli welizwe, uMnu. Phelekezela Mphoko.
Amacele womabili ayakuphika lokhu.
