Ibandla lamaDemocracts Lidonsela uMongameli Trump Enkantolo Phezu Komlayo Ophuca Abanye Ubuzwe

Amagqwetha amela izabelo zeMelika ezingamatshumi amabili lantathu ezilawulwa libandla eliphikisayo elamaDemocrats asekhweze amaphepha emthethwandaba ephikisa umlayo owethulwe nguMongameli Donald Trump ophuca abantwana bezizalwane zakwamanye amazwe ezizalelwe eMelika ubuzwe balelilizwe.

Isisekelo sombuso weMelika sikubeka sobala ukuthi wonke umuntu ozalelwe kulelilizwe uhle abe yisizalwane salo esilobuzwe obugcweleyo kungakhathalekile ukuthi abazali bakhe kayisizo zizalwane zeMelika lokuthi balamaphepha afaneleyo yini kumbe abalawo.

Kodwa uTrump usayine isiqondiso esesula lelilungelo ngoMvulo esanda kungena embusweni.

AmaDemocrats athi inkantolo kumele inqabe uTrump ngoba akalawo amandla okwenza lokhu.

UMongameli Trump usayine njalo isiqondiso esivimba ukungena mahlayana kwabantu abangelamaphepha eMelika, bona athi uzabadudula ngezigidi babuyele emazweni abo.

Olandela ezombusazwe zeMelika uMnu Tim Muringai utshele iStudio 7 ukuthi akulalutho osolwenziwe nguTrump olumangalisayo ngoba lokho yikho kanye athembisa ukukwenza ngesikhathi ekhankasela ukhetho.

Embed share

Ingxoxo loMnu Tim Muringai

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:10 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala